Was isch bassiert?
- 1220: Dr Friedrich II. wird z Rom vum Papscht Honorius III. zum Chaiser vum Hailige Remische Rych gchrent.
- 1712: Im Londoner Queen’s Theatre wird d Opere Il Pastor fido vum Georg Friedrich Händel urufgfiert.
- 1830: Uf em Zimiker-Hügel z Uschter versammle sich in dr Zyt vu dr Regeneration rund 10.000 Manne vu dr Zürcher Landschaft un fordere im Memorial vu Uschter e neji liberali Verfassig.
- 1918: Franzesischi Druppe zien noch em Erschte Wältchrieg z Stroßburi yy un mache dodermit dr churze Phase vu dr Republik Elsaß-Lothringe ne Änd.
- 1943: Dr Libanon wird unabhängig vu Frankrych.
- 1946: Z Fryburg chunnt di Berotend Landesversammlig fir Bade zue ire konschtituierende Sitzig zäme.
- 1963: Dr Bresidänt vu dr Verainigte Staate, dr John F. Kennedy, chunnt bin eme Attentat z Dallas ums Läbe.
- 1975: Zwee Däg noch em Dod vum Franco wird dr Juan Carlos zum Chenig vu Spanie proklamiert, was in dr Folg zum Ibergang vum Franquismus zur Demokraty fiert.
- 1990: D Margaret Thatcher, wu syt 1979 regiert het, git ihre Ruggdritt as Premierminischteri vu Großbritannie bekannt.
- 2005: Dr Angela Merkel (CDU) wird vum Bundestag as erschti Frau in dr Gschicht vu dr Bundesrepublik Dytschland in s Amt vum Bundeschanzler gwehlt.
