Dr Aadelsditel het dr Rang vom ene Aadlige in dr gsellschaftlige Hierarchii aagee. Ursprünglig häi e hufe von ene e Funkzioon bezäichnet.
Vom Aadelsditel muess mä uf dr äinte Site dr Bredikatsditel (d Aareed) underschäide, und uf dr ander s Aadelsbredikaat (im Dütsche s vo, also dr Naamezuesatz as Kennzäiche vo dr Aadligkäit).
D Aadelsditel, wo do im Rang nooch vom höggste zum niidrigste ufzelt wärde, bezieen sich uf Öiropa im Middelalter und in dr Nöizit.
D Titel Kaiser, Köönig und Groossherzoog si Amtsbezäichninge si nume regierende Suwerään zuegstande. Wenn dr Droon verloore gange isch, isch dr Ditel nid witergee worde. Erbe häi d Ditel wie Brinz (Brinz vo Pröisse), Herzoog (im Fall vo de Noochfolger vom Köönig vo Württebärg) oder Markgroof (für en Erb vom Groossherzoog vo Baaden) brucht.
Dä Artikel basiert uff ere fräie Übersetzig vum Artikel „Adelstitel“ vu de dütsche Wikipedia. E Liste vu de Autore un Versione isch do z finde. |