Alpe-Wiisslig
Alpe-Wiisslig, Underart Pontia callidice kalora
Systematik
Chlass: Insekte (Insecta) Ordnig: Falter (Lepidoptera) Familie: Wiislig (Pieridae) Underfamilie: Pierinae Gattig: Pontia Art: Alpe-Wiisslig
Wüsseschaftlige Name
Pontia callidice
(Hübner, 1800)

De Alpe-Wiisslig (Pontia callidice) isch e Summervogel, wo i de Berge vorchunnt.

Vorchoo

De Alpe-Wiisslig chunnt nume i de Alpe und i de Pyrenäe vor und isch uf Alpe und grääsige Berghäng zwösched 2000 und 3000 müM zfinde. De Falter flügt im Juni und Juli, i warme Sümmer cha im Augste e zwooti Faltergeneratioo vorchoo. D Raupe fressed im Augste und September.

Uussie

De Alpe-Wiisslig isch e schneewiisse Summervogel, wo uf de Vorderflügel bruuni Straiffli und Flecke het. Bi de Wiibli sind Flecke düttlicher abbildet. Sin Körper isch grau, de Hinderliib wiislich. D Flügelundersiite hend e Grüestich.

Raupe

D Raupe werd 30 bis 35 mm lang und isch grau miteme Blaustich. Ofem Rugge het si zwoo wiissi Linie und e Raiie mit geele Tupfe. Si isch uf Chrützblüetler (Brassicaceae) spezialisiert, bsunder uf de Schwiizer Schöterich (Erysimum rhaeticum) und uf di Geel Reseda (Reseda lutea).

Unterarte

• Pontia callidice callidice (Hübner, 1800). Alpe, Pyrenäe^[1]
• Pontia callidice chrysidice (Herrich-Schäffer, 1844). Chliiasie, Iran^[1]
• Pontia callidice libanotica (Bernardi, 1966). Libanon^[1]
• Pontia callidice hazara (Wyatt, 1961). Afghanistan^[1]
• Pontia callidice hinducucica Verity, 1911. Pamir^[1]
• Pontia callidice kalora (Moore, 1865) NW-Himalaya, W-Tibet^[1]
• Pontia callidice duplati (Bernardi, 1965). China (Gansu)^[1]
• Pontia callidice amdensis (Verity, 1911). China (Gansu)^[1]
• Pontia callidice amaryllis Hemming, 1933. Tian Shan, Ghissar, Darvaz, Alai^[1]
• Pontia callidice halasia Huang & Murayama, 1992. China (Xinjiang)^[1]

Literatur

• C. T. Bingham: Fauna of British India. Butterflies. Volume 2. (1907)
• W. H. Evans: The Identification of Indian Butterflies. Bombay Natural History Society, Mumbai, India (2nd Edition, 1932)
• Meena Haribal: Butterflies of Sikkim Himalaya and their Natural History. (1994)
• M. A. Wynter-Blyth: Butterflies of the Indian Region. Bombay Natural History Society, Mumbai, India (1957).

Weblink

 Commons: Alpe-Wiisslig – Sammlig vo Multimediadateie

• Pontia callidice bi Fauna Europaea
• Moths and Butterflies of Europe and North Africa (englisch)
• Matt Rowling: European Butterflies. Pontia callidice (englisch)

Fuessnote

1. ↑ ^{1,00 1,01 1,02 1,03 1,04 1,05 1,06 1,07 1,08 1,09} Pieridae der Holarktis. Fotos von Präparaten und Lebensräumen. Heiner Ziegler, abgruefen am 9. August 2012.