Blaumaisli | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wüsseschaftlige Name | ||||||||||||
Cyanistes caeruleus | ||||||||||||
Linnaeus, 1758 |
S Bloieli oder s Blaumaisli (Parus caeruleus; alemanischi Näme) isch e Singvogel, wo s ganze Joor dore i Mitteleuropa vorchunnt. I de Alpe chas bis 2'200 m ü. M. biobachtet were.
S Bloieli isch e bunte Vogel. S het e blaui Chappe, blaui Flögel und e blaue Schwanz. De Chopf isch wiiss mit eme dünne schwarze Straiffe öber de Auge ine und e dünne schwarze Bruststraiffe. D Brust selber isch geel, de Rugge grüe. Bloieli wered 10 bis 12 cm grooss, hend e Spannwiiti vo 17 bis 20 cm und wöget 9 bis 12 Gramm.
S Bloieli lebt i Laub- und Mischwälder und au i Auewälder, Pärk und Gärte. Sis Nest bauts us Grääshälm und Mies i Bommhöölene, Murlöcher oder Vogelhüsli, und polsterets mit Federe, Hoor und Wulen uus. Bloieli fresset Insekte, Spinne, Söömli, Beeri, Chnospe und Blüete. Im Winter chunnts as Fuetterhüsli.