De Bundeskanzler reschpektiv d Bundeskanzlerin vo de Schwiizerische Eidgnosseschaft, isch de Kanzler vo de Schwiiz un leitet di Schwizerischi Bundeskanzlei.

Ufgabe

D Ufgab vom Bundeskanzler isch d Unterstützig vo de Landesregiirig, em Bundesrot. Zämme mit de beide Vizekanzler, wo zur Unterstützig vom Bundeskanzler do sin, plant er d Gschäft vom Bunderot und duet a de Sitzige vom Bundesroot teilnäh. Di Sitzige findet i de Rägle einisch i de Wuche schtatt. De Bundeskanzler het in dene Sitzige e berotendi Schtimm und es Aatragsrächt.

Bi de Gsamterneurigswahl vom Bundesrot wird au de Bundeskanzler gwählt. S Wahlgremium isch di Vereinigti Bundesversammlig, wo us de Mitglider vom Stände- und vom Nationalrot bestoht. D Amtsdur isch vier Johr. Im Unterschiid zu de Vizekanzler isch de Bundeskanzler also e Magischtratsperson und kei Beamter.

Gschicht

De Bundeskanzler isch die älteschti Inschtitution vo de Schwiizerische Eidgnosseschaft, wos hüt no git. D Tagsatzig het scho im 1803 d Iisetzig vo eme Eidgnössische Kanzler bschlosse. Im 1848, bi de Gründig vom Bundesschtaat, isch us dem Eidgenössische Kanzler dann de Bundeskanzler worde. Als Stellverträter het de Kanzler vo Aafang a en Eidgnössischer Schtaatsschriiber gha, wo im 1852 zum Vizekanzler worde-n-isch. Sit em 1896 gits no en zweite Vizekanzler.

Bisherigi (Bundes-)Kanzler

  • 1803–1830: Jean Marc Samuel Isaac Mouson
  • 1830–1847: Josef Franz Karl AmRhyn
  • 1847–1881: Johann Ulrich Schiess
  • 1882–1909: Gottlieb Ringier
  • 1910–1918: Hans Schatzmann
  • 1919–1925: Adolf von Steiger
  • 1925–1934: Robert Käslin
  • 1934–1943: George Bovet
  • 1944–1951: Oskar Leimgruber
  • 1951–1967: Charles Oser
  • 1968–1981: Karl Huber
  • 1981–1991: Walter Buser

Weblingg

Dä Artikel basiert uff ere fräie Übersetzig vum Artikel „Bundeskanzler_(Schweiz)“ vu de dütsche Wikipedia. E Liste vu de Autore un Versione isch do z finde.
Kategori