| Draistachlige Stichlig | ||||||||||||
|---|---|---|---|---|---|---|---|---|---|---|---|---|
Draistachlige Stichlig (Gasterosteus aculeatus) | ||||||||||||
| Systematik | ||||||||||||
| ||||||||||||
| Wüsseschaftlige Name | ||||||||||||
| Gasterosteus aculeatus | ||||||||||||
| Linnaeus, 1758 |
De Draistachligi Stichlig (Gasterosteus aculeatus; alemanischi Näme) isch e aapassigsfääige Süesswasserfisch, wo wenig Aasprüch a s Gwässer het, woner lebt.
De Stichlig isch e chliine längliche gfleckte Fisch, wo 6 bis 8 cm lang werd. I de Laichzitt sind d Mandli höbsch bunt. Stichlig hend kai Schuppe. Sin Name het er, well er ufem Rugge drai biweglichi Stachel het.
De Stichlig isch a nördliche Chüsteregione vo Europa haimisch und cha bis 700 km landiiwärts vorchoo. Er lebt im Brackwasser und i Süessgwässer i de Chüstenööchi, schwimmt Flüss duruuf, so de Rhii, lebt i Gräbe, Waier und Tümpel. Wichtig isch, as gnueg Wasserpflanze ume sind.
De Stichlig lebt vo Insekte und Chliichrepsli. Er werd vo Raubfisch und vo Vögel gfange. Im Früesummer baut s Mandli us Wasserpflanze e Nest und lockt Wiibli aa. Noch eme Hoochzigsritual lait s Wiibli sini Aier is Nest, wo vom Mandli bifruchtet wered. Deno verjagt s Mandli s Wiibli und biwacht s Nest und e chliises Revier um s Nest ume. Stichlig chönd 8 Joor alt were.
Commons: Stichlig – Sammlig vo Multimediadateie