Dr Jules Jeanjaquet (* 19. Februar 1867 z Le Locle; † 9. April 1950 z Nöieburg) isch e Schwiizer Romanischt gsi.

s Lääbe

Der Jeanjaquet het a dr Friedrich-Wilhelms-Universität z Berlin (dr hüttige Humboldt-Universität) und a dr Uni Zürich studiert. Z Züri het er bim Profässer Heinrich Morf anne 1891 mit dr Arbet Recherches sur l’origine de la conjonction «que» et des formes romanes équivalentes promoviert.

1892 bis 1897 het er a dr Uni Lund und denn drüü Joor lang bim Staatsarchiv Nöieburg gschaffet, und 1901 isch er Profässer für Romanischi Filology a dr Uni Nöieburg woorde.

Zäme mit em Louis Gauchat und em Ernest Tappolet het er s Wälschschwiizer Mundartlexikon Glossaire des patois de la Suisse romande ufbout.

Wäärch

• L’extension du français et la question des langues en Suisse. Bibliographie analytique, 1910
• Histoire et grammaire des patois de la Suisse romande. Bibliographie analytique, 1915
• Glossaire des patois de la Suisse romande, 1924 ff
• Vingt-cinq textes patois du Valais enregistrés au gramophone. Transcription phonétique et traduction française, 1929–1938

Literatur

• Anne Jeanneret-de Rougemont: Jeanjaquet, Jules. In: Historisches Lexikon vo dr Schwiiz.
• Léon Montandon: Bibliographie des travaux de M. Jules Jeanjaquet publiée à l’occasion de son 70e anniversaire. Neuchâtel 1937.
• Mélanges d’histoire neuchâteloise offerts à Jules Jeanjaquet à l’occasion de son 70e anniversaire. Neuchâtel 1937.
• Notes d’histoire neuchâteloise dédiées à Jules Jeanjaquet à l’occasion de son quatre-vingtième anniversaire. Neuchâtel 1947.