D Keira Knightley (* 26. März 1985 z Teddington, England) esch e britischi Schouspeleri.
De Keira ere Vater Will Knightley esch ou Schouspeler, d Muetter Sharman Macdonald esch Schreftstelleri. Dr Keira seit ma noh, si heig Teilleesigstörige. Sit si mit em Rupert Friend im Film Pride and Prejudice (Stolz und Vorurteil) gschpielt het, sind die beide bis 2010 zemme gsi. Am 4. Mai 2013 het d Keira im französischen Mazan de Keyboarder vo de Klaxons, de James Righton, ghüraatet. Im Mai 2015 isch iiri Tochter Edie z London uf d Wält choo. Si läbe im Londoner Stadtteil Islington.
De Knightley iiri erst bekannt Rolle hed si 1999 in "Star Wars: Episode 1 - Die dunkle Bedrohung" gspöut. Es send witeri Rolle i bekannte Föume gfougt, so zom Bischpöu i "Kick it Like Beckham", "Fluch der Karibik" oder "King Arthur". För "Stolz und Vorurteil" hed d Keira 2005 e Golden Globe ond e Oscarnomination aus beschti Schouspeleri öbercho. Mettlerwile hed si Fluch der Karibik 2 + 3 abdreiht, si spöut weder ade Site vom Orlando Bloom ond em Johnny Depp. Denn het si 2007 no "Atonement" dreiht. In dem Fium spilt sie nebenem James McAvoi.
Commons: Keira Knightley – Sammlig vo Multimediadateie