Locarno | |
---|---|
![]() | |
Basisdate | |
Staat: | Schwiiz |
Kanton: | Tessin (TI) |
Bezirk: | Locarno |
Kreis: | Locarno |
BFS-Nr.: | 5113 |
Poschtleitzahl: | 6600 |
UN/LOCODE: | CH LON |
Koordinate: | 705143 / 113710 |
Höchi: | 200 m ü. M. |
Flächi: | 19.4 km² |
Iiwohner: | [1] | 16'241 (31. Dezämber 2022)
Stadtpräsident: | Alain Scherrer (FDP) |
Website: | www.locarno.ch |
![]() Piazza Grande | |
Charte | |
![]() |
Locarno (lombardisch Locarn, dytsch veraltet Luggarus un Lucaris, aber no im Walserdialäkt vu Bosco/Gurin Liggåårasch ( [lɪˈkɔːraʃ](info)) isch e Gmai im Schwyzer Kanton Tessin. Si ghert zum Chrais (circolo) Locarno im Bezirk Locarno.
D Stadt Locarno lyt am Nordstade vum Langesee un am Oschtrand vum Maggia-Delta. Zue dr Stadt ghere d Fraktione Brè, Cardada-Colmanicchio, Gerre di Sotto, Isola Martella, Monda di Contone, Ponte Brolla-Vattagne un Solduno. Nochbergmaine sin Ascona, Avegno-Gordevio, Cadenazzo, Cugnasco-Gerra, Gordola, Lavertezzo, Losone, Minusio, Muralto, Orselina, Gambarogno, Tegna un Tenero-Contra. Zum Bann vu dr Stadt ghert au d Gerre di Sotto, ne großi Flechi in dr Magadinoebeni, wu nit mit em ibrige Stadtbiet zämmehangt.
Locarno isch zum erschte Mol gnännt wore anne 807 as Leocarni.
Dr Stadtbresidänt (Sindaco) vu Locarno isch syd 2015 dr Alain Scherrer.
Quälle: Bundesamt für Statistik 2005[2]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 2944 | 3088 | 2885 | 2866 | 3430 | 3981 | 5486 | 5594 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 6575 | 6760 | 7767 | 10155 | 14143 | 14103 | 13796 | 14561 |
Locarno isch Ändstazioon von eren Ysebaanlinie vo der SBB. Wyter füert di schmaalspuurig Centovallibaan; mit dère cha mer bis i s italienisch Domodossola a de Simplonlinie. Dezue ane faared ab Locarno e ganzi Räie Buslinie i d Döörffer und Tääler vom Locarnese.
Dr lombardisch Dialäkt vu Locarno ghert zum Ticinese.
Dr FC Locarno isch de Fuessballklub vu Locarno, wu aktuäll in dr Promotion League spiilt.