Dr Martin Kippenberger (* 25. Februar 1953 z Dortmund; † 7. Merz 1997 z Wien) isch e dütsche Mooler, Installationskünstler, Performanskünstler, Bildhauer und Fotograf gsi.
1972 bis 1976 het er z Hamburg bim Claus Böhmler, Arnold Hauser und Franz Erhard Walther studiert. Denn isch er uf Floränz und 1978 uf Berlin. Dört het er mit dr Gisela Capitain s „Kippenbergers Büro“ gründet, won er jungi Künstler het lo ustelle. 1980 isch er uf Bariis. Er het Ustellige z Darmstadt und z Düsseldorf organisiert. 1981 isch er in d Lord Jim Loge iidräte. 1988 isch er an dr Biennale z Venedig drbii gsi. 1990 isch er Brofässer un dr Städelschule Frankfurt worde und het vo 1992 aa Vorlääsige an dr Yale University und an de Universidääte Nizza, Amsterdam und an dr Gsamthochschuel Kassel gee. 1996 het er dr Käthe-Kollwitz-Briis überchoo. 1997 het er an dr Documenta X z Kassel und an dr Usstellig Skulptur.Projekte z Münster mitgmacht.
Im Kippenberger sini Wärk duet mä de Nöije Wilde zueordne. In dr Dradizioon vom Dada und Fluxus het er an dr Demontaasche vom dradizionelle Kunstbegriff gschafft. Für das het er under anderem Provokazioonen und Spott iigsetzt.
Album
Singles & EPs
Compilations
Miscellaneous
|
Dä Artikel basiert uff ere fräie Übersetzig vum Artikel „Martin_Kippenberger“ vu de dütsche Wikipedia. E Liste vu de Autore un Versione isch do z finde. |