Truurmantel

Truurmantel (Nymphalis antiopa)

Systematik
Chlass: Insekte (Insecta)
Ordnig: Falter (Lepidoptera)
Familie: Edelfalter (Nymphalidae)
Underfamilie: Fleckefalter (Nymphalinae)
Gattig: Nymphalis
Art: Truurmantel
Wüsseschaftlige Name
Nymphalis antiopa
(Linnaeus, 1758)

De Truurmantel (Nymphalis antiopa) isch e groosse Summervogel.

Verbraitig

De Truurmantel chunnt i fast ganz Europa vor, feelt aber i Südspanie und Südgriecheland. Hüüffig flüüget Truurmäntel vom Mittelmeer in nördlicheri Piet. De Truurmantel lebt vor alem am Waldrand vo Bilche- und Mischwälder, eener i de Hööchi. I de Alpe chunnt er bis 2000 müM vor. Er lebt vom Saft, wo us Bömm usesickeret und vo Frücht und werd vo scharfe Grüch und vo öberriiffe Frücht aglockt.

Uussie

De Truurmantel werd 45 mm lang und het e Spannwiiti vo 60 bis 70 mm. Er het bruuni Flügel, de Hinderrand vo de Flügel het e schwarzes Band mit Blaue Tupfe und am Rand e geels Band. Sin Körper isch dunkelbruu.

Jooreszyklus

Raupe vom Truurmantel

Im Früelig chunnt de Truurmantel us de Winterstarri und paart sich. S Wiibli lait d Aier ringförmig um dünni Ästli. D Raupe schlüüffet noch zwoo bis drai Wuche. Im Juli tüend si sich verpuppe. D Puppe hanged a de Fuetterpflanze und de Falter schlüfft noch drai Wuche. Im Herbscht fallt er i d Winterstarri und öberwinteret i Bommhööline und loose Muure.

Raupe

Di gseligi Raupe werd 55 mm lang und het langi Dorne und isch schwarz und het oraaschi Tupfe ufem Rugge. Si isch uf Bömm spezialisiert, am maiste isch si uf Bilche (Betula sp.) und uf Sale (Salix caprea) z finde, aber au uf de Ilme (Ulmus) und uf de Aspe (Populus tremula).

Literatur

Weblink

 Commons: Trauermantel – Sammlig vo Multimediadateie
Kategori