Wänneli | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wüsseschaftlige Name | ||||||||||||
Falco tinnunculus | ||||||||||||
Linnaeus, 1758 |
S Wänneli (Falco tinnunculus; alemanischi Näme) isch e Raubvogel wo i Mitteleuropa im ganze Joor vorchunnt und zo de gföördete Vogelarte ghört. I de Alpe isch s Wänneli bis zonere Hööchi vo 2800 müM z finde.
Wänneli hend e rootbruune Rugge und Flögel mit schwarze Tupfe. De Chopf und de Schwanz vo de Mandli sind grau. Wiibli hend e gstraifflete Schwanz. Wänneli wered 31-37 cm gross, hend e Spannwiiti vo 65 bis 80 cm und wöged 190 bis 300 Gramm.
S Wänneli lebt i de Berge, Pärk, Füechtpiet und Düüne, aber au i Industriizoone. Si bauet kai Nester, sondern brüetet i verlassne Nest vo Chraie und Ägerste. Huuse tüend si uf Felse, i Chiletürn, Hüser und Vogelhüsli. Wänneli bliibet uf de Jagd i de Luft stoo und lueget geg de Wind und fönd eri Büüti im Sturzfluug. Si fressed groossi Insekte, Müüs und anderi chliini Süüger, raubet aber au Vogelnester uus.