Georges Bernanos, naixito de París o 20 de febrero de 1888 y muerto en Neuilly-sur-Seine (Altos d'o Sena, Isla de Francia) o 5 de chulio de 1948, estió un escritor y novelista francés. Yera fundamentalment d'ideyas catolicas y conservadoras. Sindembargo, con a suya obra Les Grands Cimetières sous la Lune, a on charraba d'as mortaleras d'os franquistas en as Islas Balears, prenió postura a favor d'a Segunda Republica Espanyola mientres a Guerra Civil Espanyola. Antiparte, encara que estió militant d'Action Française y d'os Camelots du roi, mientres a Segunda Guerra Mundial no s'adhibió a o colaboracionismo d'a Francia de Vichèi sino a la Francia Libre.