Weckatc esko pe atisokaniwok kekwan. Kotc ka pe kackitatc nictam iriniw kitci arimwetc, ekoni aspin esko ki pe tipatcimotc. Weckatc tca esko pe atisokaniwok kekwan. Nama mia kaskeritakon apitc ka matceparik atisokan. Takono tca kekwan ka atisokatcikateki, Kitci atisokan kirika atisokancic, keki itwaniwokipan. Kitci Atisokan e tipatcimonaniwok pimatisiwinik napitc. Atisokancica, nootc e kiskinohomakaniwok tan ke iti icinakok nikanik itekera pimatisiwinik.
Apitc ka matceparinik ot arimwewin Iriniw, ki petako kotakihi witci iriniwa, ki kakeskinotako ani kaki mamo witci tacikemikotc. Nac eki iti kackitatcik kaskina e arimwetcik. Wipatc tca neta ki nokoniw, irikik kaki ici tatak, kitci ki arimwetc, kitci kiskinohomaketc kekwariw kecpin e tipatcimotc kekwariw. Mocak tca ki mina aitotam aka arotcikotc kitci itetc, kitci kaie maia witak kekwariw, aka kitci wi kiraskimatc awia, aka kaie kitci matci itatc ka witci icinakosimatc. Kekwariw ka itetc, ekoni tarasak e icinakonik, nama pitoc. Arimwewin, enko tca tepirak kaki tatok kitci ki kiskinohomakaniwok kekwan kaki pe aisparik weckatc, apitc kaki pe iciwepak, tan kaki pe icinakok kekwan, kaskina neta ki iti takoniw ke ici iti tipatcimotc iriniw, ot atisokan.
Wisaketcakw atisokan, Kokotce kekotc Witiko (Windigo) atisokan, Kinoce atisokan, Pitciw atisokan, Niketcotcinehon atisokan, Cikipic atisokan, Waskomiko iriniw atisokan, Awesis atisokan, Manito atisokan, Nictam pimatisiwin atisokan, Nipinatcac acitc Kiwetinisiw atisokan, Memekweciw atisokan, Namepirtehesiw atisokan, kirika kotakihi, mitceno.
Kitawok iriniwok kaie iskwewok e tipatcimotcik, ki atisokewok. Ani e tacitcik, nama kata ki itwaniwon, enko anowe ka mirowacinik ka itetc, ka acterik kitci atisoketc. Iskwew, okawinan, nictam e acterik kitci petakositc, apiciciriwa onitcanica acitca kotc e aiamiatc. Patoc wiskata, wir iriniw, otawinan, acteriw kitci aiamihatc onitcanica. Ekoni e ici nicitcik, okawinan acitc otawinan, nictam ke aiamihatcik, ke kiskinohomowatcik onitcaniciwawa.
Kotakihi wirata awia tca matci kata ki iti kiskinohomako anowe awacic, irikik ke iti matceatisitc. E ici tcirowetotc, e ici ot otenowesimatc awia kata ki atisokako. Atisokaniw tca ki takoniw, tan kotc e iti tato piponesitc. Enkweriw ke nosonehokotc irikik ke iti matisitc, kaki ici kiskinohomowakaniwitc, aka soka kitci waneritak nakickake arimisiwiniw pimatisiwinik itekera.
Picicikw e ki pitci witak kekwariw Iriniw, ki takoniw kaie e ki itasinahak kitci ki tipatcimotc, kitci kanaweritakonik atisokanik itekera. Asiniwa ki masinawapiskowew, wikwasik ki ici masinaham kekwariw kaki wi ici tipatcimotc, kinec kitci miparinik, warowik kitci icamakanik. Matcitaw tarasak ot atisokan kecpin e pitci tipatcimotc, posoweritam meka mocak kitci miparinik. Enkweriw ka apatcitatc witci iriniwa, onitcanica acitc awaca otci ke apatcitaritci. Ekota neta ot itewinik kaki ici nahikak, otitatisiwin, omitoneritcikan, ot asperimowin acitc ot irisowin.
Enko okawinan ka atisokowatc onitcanica, otawinan ka witamowatc wi ockinima. Okominan kirika Omocominan ka kiskinohomowatcik osimiwawa. Otosinan, omicomecinan acitc otcirowemakanan, ka miwitatcik kiskinohomakewiniw acitc atisokaniw. Papie e tato otenowesinaniwok, ki tawok e ki micta kackitatcik e atisoketcik. Cakotc, ekoni kaie wirowaw kaki ici coweritakositcik. Aric ma, nictam onikihikonanak acteriw kitci atisokwatcik onitcaniciwawa. Irikik ke atisokwakaniwitc awacic, kirowe kata miro matcepariniw omitoneritcikan. Ekota ke otci matceparinik ite ke ici matawe iteritak. Kata miro witcihiko mocak atisokaniw. Nama soka tapickotc aicinakono atisokana, nama nikot, kirakec tapickotc icinakoke kiskinohamakewin neta ka actek. Atita pitoc icinikatakaniwiwok neta ka atisokasotcik, mitowi «Pitciw atisokan» acitc «Ahac atisokan».
Kitci atisokan ka itwaniwok, irin pimatisiwinik itekera tipatcimonaniwon. Ka kicapewitcik acitc peikon ka iti matceatisitcik, ockinikiwok, atisokatakaniwiwok. Awesisa kitci kiskerimatcik, tan e itatikosiritci, e aicinikateki askik kekwan aka kitci onicinitcik notcimik, tan ke ici nanakatcitatcik e ici rowerik, ite otci rowerik. Onimiskiwa e kitoritci, atcokoca ite e itokotciniritci, pisimwa, tipiskipisimwa. Mictai mitceniw kekwariw ke atisokwakaniwitcik ockinikiwok.
Takon kaie kotak, Atisokanicic keki icinikatekipan, ka apicicitcik aniheriw witamowakaniwiwok. Takon neta e witcikatek tan ke ici aiekwamanictak ockinikiw, kekwariw ke nikan kiskeritamotarakaniwitc, pimatisiwinik itekera. Pitoc kaie iti icinakon atisokan, ka micta apicicitc awacic otci e atisokwakaniwitcik. Weckatc meka esko pe atisokaniwok, mocak kaie ki pe miparin anihe arimwewin. Awacicak, awacak, ockinikiwok, ka kicapewitcik, nac ka kiceatisitcik e atisokwakaniwitcik.
Irikik ke pe ici tipatcimonaniwok, tan ke iskwapekak atisokan, mocak kata apatcitaw aniheriw iskwew kaie iriniw. Kekwariw ke nakickak, ke arimiparitc opimatisiwinik, mocak kata ici mikowiw tan kaki pe ici tipatcimoctowakaniwitc, tan kaki pe it atisokwakaniwitc esko pe pimatisitc. Ekota ke otci mickowisitc, ekota ke otci sokatisitc opimatisiwinik, nama wiskat kata wi waneritam. Mocak kata kiskeritam ite ke ici naskwatc kecpin e arimiparitc.
Kaskina wiec ki it atisokew Iriniw, tan kaki iciwepisitc e atosketc, e ntohotc, tan kaki icinikatak askiriw, tan e it atisokatcikatek aski kaie kaskina notcimik ka takok kekwan. Nama onikew kitci atisoketcik irikik kaki pe ici rikihotc, tato awaca kaki pe nitawkiritci, awin kaki pe nakatikotcik. Tipatcimo ke ici nanakatcitakaniwonik ke iti icikicikarik, tan e icirowerik, tan e ititakosiritci onimiskiwa, tan e ici waskorehimoritci. Nama onikew kitci atisoketc tan e icinak kekwariw ka nitawkimakanik, mictikowa, wapikoniriw. Tan e ici ntokohotc, kekwariw ka mackikiwaketc.
Awacic kekotc kotak awik otci, kitci miro nisahihakaniwitc opimatisiwinik, kitci miro pimatisitc, kitci sokatisitc nikanik itekera. Tarasak matceparitwakaniwoniw omitoneritcikan awacic kecpin e atisokwakaniwitc, kitci miro kakitaweritak. Tan ke ici miro nanakatcitatc kekwariw, kitci wi nespitowinak ka mirowacinik pimatisiwinik. Ot irisowinik kitci ici mackowisierimotc. Kitciwe itatisiwiniw, ke mirerimowaketc kitci mirakaniwitc. Kitci miro kiskerimitisotc tan e ici iriniwitc, acitc kaskina e ici miro mitoneritak Nehirowisiw. E atisokwakaniwitc awik, mirakaniwiw tarasak miro iterimowiniw, aiterimowiniw, kitci kaie miro kiskeritak kekwariw ka waskackakotc. Kitci miro nespitowinak, kitci kiskeritak, kitci nikani kiskeritak, irin ka icinakonik kekwariw, aka kitci wi onactatc. Kitciwe kekwariw mirakaniwiw kitci nespitowinak irikik ke pimatisitc, tan kaki pe ici matcamakanik esko pe iriniskak. Kata meka tca kiskeritam, kata nespitotam, kirika kitci ici naheritak pimatisiwiniw. Kata nespitotam kekwariw waska ka pe icinakonik, ka icinakonik, ke icinakonik nikanik.
Ite kotc e ici mirerimonaniwok atisokaniwon, mitowi pecotcik ickotek, e miro otakocik, e arowactik, pitakamik rikasimonikiwamik. Irinikotc tarasak kitci miro nespitotak awik e atisokowakaniwitc. Ki waska apiwok weckatc kaki pe matisitcik e atisokotatotcik, e nipinik, e ickwa piponcitcik. Tipatcimowakopan tan ka pe icinakonik opimatisiwiniwak, tato awaca kaki nitawkiritci, awin kaki pe nakatikotcik, tan ka pe aiciwepisitcik mekwatc ka pe taciketcik otitawiniwak, ka apitc pakatewakwen, akosiwakwen, ka apitc miro atoskewakwen notcimik, mitcet ki takoniw e tipatatakik Nehirowisiw.
Esko ki pe takok ocki kiskinohamakewin, ekoni apitc ka ki pe pitoc icinakok kiskinohamakewin. Ka wapisitc okiskinohamakewin nictam tarasak e ki miparinik. Enkweriw pitama ka wi kiskinohamowakaniwitc awacic. Aka tca pitama wirowaw ot atisokaniwaw wi witamowakaniwitcik. Ekota neta e ici iti onitik ot irisowin anotc. Mictahi tca ni e kicteritakok kitci miparik anihe Nehiro atisokan, kitci ki miro matcawaketc opimatisiwinik awacic, omitoneritcikanik. Kitci otci kotc tarasak wecipamatc anihi ka atisokatakaniwiritci. Anotc kaskina wapatahakaniwiw awacic, nama pakitinakaniwiw kitci otci nanto icinowatc anihi ka atisokatakaniwiritci. Anotc tca petawok kotakeriw kitci wapatahakaniwitcik. Osam kotakihi iriniwa ot atisokaniw e ki wapatakik.
Pour créer un nouvel article :
Du 6 au 9 septembre, une délégation du projet atikamekw s'est rendue à Bruxelles en Belgique, afin de présenter Wikipetcia Atikamekw Nehiromowin à la WikiConvention francophone 2019 et échanger avec d'autres groupes et partenaires internationaux.
Du 29 juillet au 9 août 2019, avait lieu le Projet expédition Tapiskwan sipi en canot sur le territoire Atikamekw pour les jeunes de 15 à 25 ans. Départ d'Opitciwan, en passant par Wemotaci et se terminant à Manawan.
Le 13 août 2017, lors de la conférence internationale Wikimania 2017 à Montréal, Antony Dubé, Thérèse Ottawa, Jeannette Coocoo, Christian Coocoo, Cécile Niquay-Ottawa présentent les étapes et les leçons de la création de Wikipetia Atikamekw Nehiromowin.
Wikipetcia Atikamekw Nehiromowin mekwa neta ici actew ke ici actain itewin kaki matcekatek nehiromo masionahikan Wikimedia. Si vous avez des questions ou besoin d'aide, rendez vous sur Taci ke ici aimihitonaniwok ou visitez le groupe Facebook.
Le logo sera affiché sur le site Wikipetcia, ainsi que sur des t-shirts et autres articles promotionnels, afin de s’identifier et renforcer son appartenance à ce projet. L’œuvre peut être de n’importe quel format, pas plus grand que 8,5 X 11. Le logo gagnant sera utilisé uniquement aux objets mentionnés plus haut. 3 prix seront attribués pour ce concours. 1er prix : Carte Cadeau d’une valeur de 200$. 2 prix de participation de 50$. Les membres du jury seront composés de Monsieur Laurent Jérôme (UQAM), Monsieur Patrick Moar (Tourisme Manawan) et Monsieur Antony Dubé (Membre du Wikiclub Metapeckeka). La date de clôture du concours est fixée 18 décembre et la remise des prix se fera lors du retour en janvier. Au plaisir de vous voir nombreux impliqués dans ce concours, à vos plumes, crayons ou autre medium.