Da Budan (dt.: die Butter, engl.: butter) is a Milliprodukt, wo aus Budanfett, Milliprotein und Wossa bschdeht.

Friacha hod ma in Budan so gmocht, dass ma de Mille zwoa Dog steh hod lossn. Nocha hod ma vo om in Rahm obgschepft und a Zeidl steh lossn. Da Rahm is dann budad, oiso ausgriad woan.

Da Budan wead in easchda Linie aus Kuahmilli heagschdejd. Es gibt owa aa an Budan aus Schofmilli und Goaßmilli.

Gschicht

Wia s Budan entstandn is, is ned bekannt. Da ejtasde Nochweis is a sumerisches Mosaik aus da Zeit umara 3000 v. Kr.^[1]

Im Middloita is da Budan zun wichtign Handlsguat woan, wo mit Dopf und Fassln weit transportiat woan is.

Sprochlichs

• Da Spruch "Ois in Budan" ("basst ois, ois sicha") kimmt dohea, wei da Budan friaa aa ois Transportschutz fia zabrechlichs Guat (Poazlan, Glasln usw.) vawendt woan is.
• De Redwendung "Den Budan ned vom Broud nehma lossn" moant, dass ma si as Wichtigste ned wegnehma lossn soi und zoagt, wia wichtig da Budan friaa woa.
• Wei des traditioneje Budan midm Budaschdampfa im Riakibe an an Gschlechtsvakeah eainnad, is "budan" (aa "pudan" - voiksetymologisch vafremdet) a Synonym vo "figgn" woan.

Schau aa

• Puderant

Beleg

1. ↑ Der Große Brockhaus in Zwölf Bänden. 18. völlig neubearbeitete Aufl., F. A. Brockhaus, Wiesbaden 1980.

Im Netz

 Commons: Da Budan – Sammlung vo Buidl, Videos und Audiodateien

• Virtual Museum Exhibit on Milk, Cream & Butter