Vegl/Vogl
Vögel/Vogel

Eilseeschwoibm (Thalasseus bergii)

Systematik

Stamm:	Chordaviecha (Chordata)
Untastamm:	Wirbeviecha (Vertebrata)
Ibaklass:	Kiefamaila (Gnathostomata)
Reih:	Landwirbeviecha (Tetrapoda)
ohne Rang:	Sauropsiden (Sauropsida)
Klass:	Vegl/Vogl Vögel/Vogel

Wissnschoftlicha Nama

Aves

Linnaeus, 1758

Untaklassn

Urkiefavegl (Palaeognathae)
Neikiefavegl (Neognathae)

De Vegl (Aves) (Oazoi: Vogl) san a Klass vo de Landwiabeviecha, nema de Wechslviecha (Amphibia), Griachfiecha (Reptilia) und di Spoviecha (Mammalia). De Wissnschoft vo di Vegl hoaßt Ornithologie. Fegl hods af olle Kontinent vo da Wejd. Bis heid kennt ma uma 9.800 Oartn; owa ungwiss is, obs ned insgsamt vui meara Oartn gawad, wamma aa olla ausgstoamna midrechna dad.

A jeda Vogl hod an Schnowi ohne Zähnd und Fliagl ois vordane Gliedmaßn, aa wanna neda fliang ko; as Gfieda wird reglmassi gwechslt (lMausa). Aussadem lengts oi Oa. tippisch fia d Fegl is aa nu da Nestbau.

Zu de Vegl ghearn unta ondam dazua:

De Aina midm Auf und mid da Schnäain
De Antnvegl mid di Antna, midm Schwo und mid da Gans
De Dauchafegl, z. B. da Haumdaucha
De exotischn Vegl wia Kolibris oda Pinguina
De Greifvegl midm Odla, midm Geia und midm Howicht
De Hianafegl mid da Hena und midm Kaudara
De Lafvegl midm Fogl Strauß und midm Emu
De Stöizvegl midm Grani, midm Reia und midm Storchn

De grässte Klass sant owa de Singvegl, zu dene wos meara wia de Höiftn vo olle Vogloartn dazuaghearn, z. B.:

De Finkn, wia da Buachfink und da Distlfink
De Lerchn und de Schwoim
De Robmvegl: de Robm und Kraana, de Dachl, da Hotz und de Ejsta
Da Starl und da Spotz

Im Netz

Commons: Vegl (Taxonomie) – Oibum mit Buidl, Videos und Audiodateien

Commons: Vegl – Sammlung vo Buidl, Videos und Audiodateien

Kategorie