A Vuikan (dt.: Vulkan) is a Loch in da Krustn vo an Planetn wia da Eadn. Unta'm Vuikankrata huggt a Magmakamma, wo si Lava, Oschn und Gas sammet. Wann da Druck in da Kamma z houch wead, nacha wead Magma duach'n Krata aussegschleidat.
Eadvuikane enschtenga, wei de Eadkrustn in feste tektonische Eadplottna afbrocha is. De schwimma af ana hoaßn, woachn Schicht.[1] Imma wann a Plottn afbricht oda mid ana andan zammschtässt, nacha kina Vuikane entstäh, wei de hoaße Schicht hochpresst wead.
Da Nam „Vuikan“ loadd si vo da italienischn Insl Vulcano ob. In da remischn Mithologie woa de Insl de Schmied vom Feiagod Vulcanus. Des gähd wiedarum af de griachische Mithologie zrugg, wo da Feiagod Hephaistos sei Schmied af da Insl Limnos ghod hod. In fost oin Kuituan gejtn Vuikane ois Siz vo de Gedda.[2]
