Klaipiedas jūru ousts (lietovėškā: Klaipėdos jūrų uostas) - neožšalontės onėversalos gėliavondenės jūru ousts, šalėp Klaipiedas sāsiaure, vakarinem Klaipiedas miesta šmuotė. Par metos čėštās atplauk aple 7000 laivu ėš maždaug 50 valstībio.
Ousta terėtuorėjė apem 4,15 km², akvayuorėjės pluots – 6,23 km², īplaukas kanala gėloms – 14,5 m. Vėsas krantėnės īr 24,9 km ėlgoma, ouste esontiu geležėnkele lėnėju vėsos ėlgoms – 36 km. Ouste stuov dengtė sandelē (160 628 m²), atvėras aikštės (454 920 m²), šaldītovā (23 254 m²), skīstu kruovėniu talpas (482 500 m³), bėriu kruovėniu sandelē (368 000 t).