Mapa kan kinàban na ipinapahiling an kinamomogtakan kan Aprika
An Aprika sa luwas kan atmospera

An Aprika an ikaduwang pinakadakulà asin ikaduwang pinakamatawong kontinente sunod sa Asya. Sa sukol na 30,221,532 km² (11,668,545 mi²) kabali an katampad na mga isla okupado kaini an 6.0% kan kagabsan na ibabaw na parte kan kinàban (o 20.4% kan kadagaan na parte kaini). May haros 900 milyon katawo an nag-eerok digdi o an sobra halos 14% kan presenteng populasyon kan kinàban.[1]

Nasusuway ini sa Europa, sa norte, kan Dagat Mediterranean; sa Asya, sa subangan, kan Kanal Suez asin Dagat Pula; sa Australya, sa subangan, kan Kadagatan Indio; asin sa Amerika, sa sulnopan, kan Kadagatan Atlantiko.

An Unyon Aprikano

An Unyon Aprikano o The African Union (AU) sarong pederasyon nin 54ng estadong Aprikano liban sa Moroko. Namuknâ an unyon kan Hunyo 26, 2001 kun sain namumugtak an opisina kaini sa Addis Ababa, Etiyopya. Opisyal na nabilog ini kan Hulyo 9, 2002 bilang kasalihid kan Organisasyon kan Pagkakarasaro nin Aprikano (OAU).[2]

Toltolan

  1. ↑ World Population Data Sheet[permanent dead link]
  2. ↑ Thabo Mbeki. "Launch of the African Union, 9 July 2002: Address by the chairperson of the AU, President Thabo Mbeki" ABSA Stadium, Durban, South Africa: africa-union.org. Kinua 2009-02-08.
Mga kategorya