Makron (diwar ar gresianeg : μακρός, « bras »), zo anv ur sin diakritek implijet el lizherenneg latin, gantañ stumm ul linenn vihan lakaet a-us d'ur vogalenn ( ¯ ), da skouer Ā, ā, evit diskouez e vez distaget hir.

Implijet e vez evit skrivañ al latveg, al lituaneg, hawaieg (anvet kahakō), maorieg.

Implijet e vez alies ivez e geriadurioù latin hag evit romanekaat yezhoù evel ar japaneg, da skouer 交通 kōtsū "red kirri" ha 骨 kotsu "askorn".

Hervez reolennoù sistem romanekadur ar sinaeg anvet pinyin e vez implijet evit ober diouzh un donenn.

Implijet e vez evit kemmañ talvoudegezh lizherennoù zo :

• kensonennoù evel l̄, m̄, n̄, r̄, v̄, ȳ, evit skrivañ yezhoù zo, pe ivez ḡ .

A-wechoù e vez lakaet dindan lizherennoù zo da gemmañ an distagadur anezho.

Brezhoneg

Implijet eo bet ar makron e brezhoneg e geriadur ar Gonideg, n'eo ket evit merkañ ur vogalenn hir, hogen evit e lakaat war al lizherenn n da verkañ ar friadur. Kavet e veze c'hoazh e 1908 er Grammaire bretonne du Dialecte de Tréguier.

Dilezet eo bet abaoe, ha merket e vez ar friadur gant an arouez ñ, evel e-barzh bremañ.

Ar makronoù

Tri makron a vez implijet en amzer-vremañ :

• ar makron plaen, a verk hiradur ar vogalenn ;
• ar makron-dindan, a vez lakaet dindan al lizherenn ;
• ar makron-boud, anezhañ ur makron plaen hag un tired boud stok-ha-stok.

Gwelet ivez

• Breve
• Tildenn

Porched ar yezhoù hag ar skriturioù Adkavit pennadoù Wikipedia a denn d'ar yezhoù.