Ur melezour (pe milouer) zo un draezenn plaen he gorre, e gwer alies, hag a ziskouez skeudenn ar pezh a zo dirazañ. A-eilpenn eo aan tu kleiz hag an tu dehou er skeudenn distaolet, met mirout a ra he ment orin peurliesañ. Gant ur melezour e c'hall unan bennak en em welout, pe gwelout an traoù a zo a-dreñv dezhañ pe dezhi pe a-dreñv un dra all, pe gwelout un draa zo diaes da welout dindan ur c'horn bennak.
Ar melezour koshañ anavezet eo hini ur gorread dour sioul. Er mojennoù e vez kaoz eus merc'hed o sellout ouzh o skeudenn e melezour doureier sioul ar feunteunioù ha poulloù : nimfezed int, peurvuiañ. ur paotr avat a ra heénvel e mojenn Narkis.
An darn vrasañ eus ar melezourioù a vez fardet dre ledañ ur gwiskad tanav metalek, staen peurvuiañ, war unan eus tuioù ur blakenn wer.