Ur yezh romanek eus skourr ar yezhoù italek-romanek eo ar monegaskeg (monegaskeg: munegascu) komzet ez-hengounel e Monako. Ur yezh en arvar an hini eo, daoust dezhi bezañ kelennet er skolioù. Kar eo d'al ligurieg a vez komzet en-dro da Genova en Italia, met levezonet eo bet gant an okitaneg.

Doare-skrivañ

Skrivet e vez ar monegaskeg evel an italianeg dre vras, war-bouez neubeud grafemennoù ispisial:

• an « ü » a vez distaget [y] evel er ger « ruz », a zo skrivet evel en alamaneg ha turkeg
• an « œ » a vez distaget [e] evel er ger « blé » e gwenedeg, skrivet evel e ligurieg
• an « ö » a vez distaget [ø] evel er ger « peu » e galleg
• ar « ç » a vez distaget [s] evel er ger « saotradur », skrivet evel e galleg ha portugaleg.