Saozon-Sevigneg
An ti-kêr.
Anv gallaouek	Seczon-Sevinyaé
Anv gallek (ofisiel)	Cesson-Sévigné
Bro istorel	Bro-Roazhon
Melestradurezh
Departamant	Il-ha-Gwilen
Arondisamant	Roazhon
Kanton	Lanvezhon
Kod kumun	35051
Kod post	35510
Maer Amzer gefridi	Jean-Pierre Savignac 2020-2026
Etrekumuniezh	Roazhon Meurgêr
Bro velestradurel	Bro Roazhon
Lec'hienn web	https://www.ville-cesson-sevigne.fr/
Poblañsouriezh
Poblañs	17 316 ann. (2020)[1]
Stankter	539 ann./km²
Douaroniezh
Daveennoù lec'hiañ	48° 07′ 15″ Norzh 1° 36′ 13″ Kornôg / 48.12080856, -1.60372281
Uhelderioù	kreiz-kêr : 46 m bihanañ 27 m — brasañ 82 m
Gorread	32,14 km²
Saozon-Sevigneg
kemmañ

Saozon-Sevigneg a zo ur gumun eus Breizh e kanton Lanvezhon e departamant Il-ha-Gwilen.

Douaroniezh

E Reter da Roazhon emañ.

Kumunioù amezek

	Roazhon	Lanvezhon, Torigneg-Fouilharzh	Torigneg-Fouilharzh
	Roazhon	N	Egineg, Noal-ar-Gwilen
		K    Saozon-Sevigneg    R
		S
	Roazhon	Kantpig	Domloup

Anv

Erwan Vallerie ː de Saxonis, XIt; Cesson, 1152; Saxon, 1153

Ardamezioù

"En gul, e gebrenn en argant, eilet gant teir ganochenn ivez en argant" Diwar ardamezioù familh Cucé (siell 1346)^[2]

Istor

XX^vet kantved

Brezel-bed kentañ

• Mervel a reas 92 gwaz abalamour d'ar brezel hervez monumant ar re varv, eleze 4,49% ag ar boblañs hervez an niveradeg bet graet e 1911^[3]. Daou anezhe a varvas d’an 22 a viz Eost 1914 e Belgia: unan e Virton, soudard e oa er 124vet Rujumant Troadegiezh^[4] hag egile en Emgann Rossignol, korporal e oa er 1añ Rujumant Troadegiezh Drevadennel^[5].

Repuidi Brezel Spagn e Breizh

• Degemeret e voe meur a diegezh repuidi e La Remblais er gumun^[6].

Eil brezel-bed

• Mervel a reas naontek den ag ar gumun abalamour d'ar brezel^[7].
• D'an 18 a viz Even 1944 e kouezhas ur c'harr-nij P-38J (marilhet 42-104065 ha kodet H5-?) eus aerlu SUA (United States Army Air Forces) e "Pincepoche" e Saozon-Sevigneg; lazhet e voe e sturier; d'an 19 a viz Even 1944 e voe tro ur P-38J all (marilhet 43-28473 ha kodet E6-?) e "La Baillarde"; lazhet e voe e sturier ivez^[8].

Brezhoneg

Monumantoù ha traoù heverk

• 
  Maner Bourgchevreuil, e kreiz ar gumun.
• 
  Iliz katolik Sant Varzhin.
• 
  "Kastell" La Monniais.
• 
  Kastell La Salette-de-Cucé.

• Monumant ar re varv e-tal an iliz katolik, luc’hskeudennoù^[9]; dioueliet e voe d’an 21 a viz Du 1921 ha dilec’hiet e voe e 1985^[10].
• Taolenn ar re varv (1914-1918) en iliz katolik, luc’hskeudennoù^[11].
• Maen-koun an daou nijour SUAat marvet e miz Even 1944, luc’hskeudennoù^[12].

Poblañs

Emdroadur ar boblañs abaoe 1962

Niver a annezidi

Melestradurezh

Sport ha darvoudoù

Ar Glaz Arena eo ar sal abadennoù. Degemer a ra sonadegoù, saloñsoù, diskouezadegoù, emgavioù bras ha darvoudoù sport evel krogadoù ar Saozon Roazhon Meurgêr Handball, klub handball rummad kentañ Saozon-Sevigneg.

Tud

• Jean-Baptiste de Gennes (war-dro 1656 - 1705), ergerzher,
• Jean Boucher (1870-1939), kizeller,
• Jean Delumeau (1923-2020), istorour ar relijionoù.

Ardamezeg ar familhoù

Abelin ː En glazur e sourin en argant, karget gant ul leonparzh en gul, ha leinet gant ur flourdilizenn en aour[13]. [PPC

Gevelliñ

• Waltrop (Alamagn) abaoe 1984
• Carrick-on-Shannon (Iwerzhon) abaoe 1999
• Dan-Kassari (Niger) abaoe 2009

Liammoù diavaez

• (fr) (fr)Lec'hienn ar gêr

Muioc'h a restroù diwar-benn

Saozon-Sevigneg

a vo kavet e Wikimedia Commons.

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (br)Erwan Vallerie : Diazezoù studi istorel an anvioù-parrez. Corpus. An Here. 1995

Notennoù ha daveoù