Perth Perth Peairt Perth Peairt | ||
---|---|---|
![]() | ||
![]() | ||
| ||
Administrazioa | ||
Estatu burujabe | ![]() | |
Herrialdea | ![]() | |
Eskoziako kontseilu gunea | Perth eta Kinross | |
Izen ofiziala | Perth Peairt Perth | |
Jatorrizko izena | Perth Peairt Perth | |
Posta kodea | PH1-PH3 eta PH14 | |
Geografia | ||
Koordenatuak | 56°23′45″N 3°26′00″W / 56.3958°N 3.4333°W | |
![]() | ||
Demografia | ||
Biztanleria | 47.430 (2016)![]() | |
Informazio gehigarria | ||
Telefono aurrizkia | 01738 | |
Ordu eremua | UTC±00:00 | |
Hiri senidetuak | Aschaffenburg, Bydgoszcz, Haikou, Pskov, Cognac, Perth (en) ![]() ![]() | |
perthcity.co.uk |
Perth, Eskoziako gaeleraz: Peairt eta eskozieraz: Perth, Eskoziako hiria da. 2012ko erroldaren arabera 47.180 biztanle ditu. Perth eta Kinross konderrian, herrialdeko erdialdean dago, Erdialdeko Eskoziako (Central Scotland) eskualdean kokaturik hain zuzen.
Piktoerazko perth hitzak "basoa" esan nahi du.
Tay ibaia gurutza zitekeen lautada alubialean kokatu ziren aintzinaroan lehenengo biztanleak. Duela 8.000 urteko mesolito garaiko ehiztari-biltzaileak izan bide ziren. K.a. 4000 urteko harri neolitikoak ere aurkitu izan dira.
Erdigunetik hiru kilometro eskasera dagoen Scone harrian Eskoziako erregeak koroatu ohi ziren Erdi Aroan, honek garrantzitsu bihurtu zuen Perth, Erresumako hiriburu izateraino. XII mendearen hasieran Gilen I.a Eskoziakoak errege burgo estatusa eman zion eta Eskoziako hiri aberatsena bihurtu zen, Frantzia, Herbehereak eta Baltikoko herrialdeekin harreman komertzialak eratu baitzituen.
1559an, John Knoxek protestantismo bultzatzeko bere lanak Perthen hasi zituen. Hurrengo mendeetan Jakobiten matxinadak ere ezagutu zituen, 1689, 1715 eta 1745ean herria okupatu zutelarik.
1760an Pertheko akademia sortu zen eta industrializazioa etorri zen, bereziki lihoa, larrua, zuriketa produktuak eta whiskia esportatzen hasi zen. Garai hartan 15.000 biztanle zituen.
Herri garrantzitusa izanik sarritan eskatu zuen hiri estatusa eta 2012ko martxoaren 14an Eskoziako zazpigarren hiria bihurtu zen.
St. Johnstone FC futbol taldeak Eskoziako Kopa irabazi zuen 2014 urtean.