Palme

Non uficiâl par talian	Palmanova
Provincie	Udin
Part	Friûl di Mieç

Altitudin	27 m s.n.m
Superficie	13 km²
Popolazion	5.413 ab.
Densitât	411 ab/km²
Frazions	Jalmic, Sotselve, San Marc
Comuns confinants	Bagnarie, Gonars, Sant Vît de Tor, Sante Marie la Lungje, Trivignan, Visc

CAP	33057
Prefìs telefonic	0432
Patron	Redentôr, Sante Justine e San Marc

Palme al è un comun intal Friûl di Mieç, che al dì di vuê al fâs part de provincie di Udin, cun 5.413 abitants.

Citât fuartece, tirade su dai venezians tal 1593 su progjiêt di Giulio Savorgnan (1510 - 1595), inzegnîr militar, che si è zà ocupât de fortificazions di Candie (Grecie) e Nicosie (Cipro), e je clamade la citât stelade par vie de sô plante poligonâl a stele cun nûf pontis. Tal 1960 e je stade nomenade monument nazionâl e tal 2017 patrimoni de umanitât da l'Unesco.

Demografie

Abitants

Lûcs interessants

Puarte Udin, Puarte Aquilee e Puarte Cividât: son lis trê puartis che a permetin di jentrâ te citât;
Place:
Domo: logât te place principâl, al è stât costruît a scomençâ dal 1615
Civic museu storic di Palme: sît che al mostre dute la storie de citât de sô fondazion, a traviers des cuatri dominazions (veneziane, napoleoniche, austriache, taliane) fin a lis ultimis vueris.
Museu storic militâr: al mostre lis modalitâts difensivis e fuartece. Al è ancje il lûc di partence par visitâ i bastions.