Albano Laziale, Anguillara Sabazia, Ardea, Campagnano di Roma, Castel Gandolfo, Castel San Pietro Romano, Ciampino, Citât dal Vatican (SCV), Colonna, Fiumicino, Fonte Nuova, Formello, Frascati, Gallicano nel Lazio, Grottaferrata, Guidonia Montecelio, Marino, Mentana, Monte Porzio Catone, Monte Compatri, Monterotondo, Palestrina, Poli, Pomezia, Riano, Sacrofano, San Gregorio da Sassola, Tivoli, Trevignano Romano, Zagarolo
Rome e je la capitâl da la Italie e il cjâf lûc de regjon Lazi e de omonime Citât metropolitane, e à scuasit 2,8 milions di abitants. Secont la tradizion e je stade fondade di Romul il 21 di Avrîl dal 753 p.C. su siet cuei (Palatin, Esquilin, Aventin, Viminâl, Quirinâl, Celi, Cjapitulin).
Teritori
Il comun di Rome al è il plui grant (1.285 km²) e il plui popolât de Republiche Taliane. La citât si cjate sul flum Tibar; il prin insediament al fo svilupât su pes culinis daûr de anse dulà che e je logade l'Isule Tiberine. Rome e je traviersade ancje da un altri flum, l'Aniene, che si bute intal Tibar inte zone setentrionâl dal abitât.
Storie
Daûr de tradizion, Rome e je stade fondade il 21 di Avrîl dal 753 p.C. di Romul. E je stade capitâl dal Imperi Roman, daspò sede dal Papât, capitâl dal Stât de Glesie dal VIII secul fin tal 1871, an che e je stade anetude al Ream d'Italie, diventant daurman la capitâl. Intal 1946 e je diventade la capitâl de Republiche Taliane.
Traspuarts
Colegaments
L'aeropuart intercontinentâl di Fiumicino (Leonart Da Vinci) al lee la citât di Rome con lis principâls citât dal mont; il scjali di Ciampino (Pastine) al è utilizât pai svoi charter. Al si cjate un aeropuart ancje al Urbe, doprât dome pal turisim e come elipuart.
Mobilitât urbane
Metropolitane
La citât e je servide da dôs liniis di metropolitane. Al dì di vuê a son in costruzion une diramazion de linie B (clamade B1) e une gnove linie, C, che e sarà operative a scomençà dal 2011.
Autobus e trams
A son in servizi ancje 376 liniis di autobus, sîs di trams e une di filobus [1].
