Sedean | |
Non uficiâl par talian | Sedegliano |
Provincie | Udin |
Part | Friûl di Mieç |
Altitudin | 84 m s.n.m |
Superficie | 50 km² |
Popolazion | 3 827 ab. |
Densitât | 76,54 ab/km² |
Frazions | Coder, Grediscje, Grions di Sedean, Ridincic, Rivis, San Lurinç, Turide |
Comuns confinants | Codroip, Cosean, Flaiban, Merêt di Tombe, Sant Zorç de Richinvelde, Sant Martin di Voleson (PN), Voleson Darzin (PN) |
CAP | 33039 |
Prefìs telefonic | 0432 |
Sedean al è un comun intal Friûl di Mieç, che al dì di vuê al fâs part de provincie di Udin e al à 3 827 abitants[1].
Il toponim al è testemoneât za tal 1174 inte forme Sediliana, tal 1226 inte forme Sedeglano; no cate interpretazions che lu vuelin di origjin slave, al somee che al sedi un prediâl di divignince latine[2].
Il comun di Sedean al è nassût cun decret dal Ream di Italie napoleonic al 1n di Zenâr dal 1811, cu la incorporazion dai comuns autonoms di Sedean, Coder, Grediscje, Grions, San Lurinç, Ridincic, Rivis e Turide[3].
Al referendum dai 11 di Jugn dal 2017 pe union dai comuns di Sedean, Merêt di Tombe e Flaiban, li che al à votât il 46,85% dai eletôrs dal comun di Sedean, i "sì" a son stâts 736 (39,09%), tant che i "no" a son stâts 1.147 (60,91%)[4].