Francesc Xavier Lamuela Garcia (Barcelone, 1950) al è un linguist catalan e ocitan. Laureât in filologjie romaniche, al è stât professôr ae Universitât di Tolose e cumò al insegne inte Universitât di Girone, in Catalogne. Al à lavorât ancje pe Universitât Autonome di Barcelone, pe Universitât di Lleida e pe Universitât di Manchester.
Tra i siei lavôrs plui impuartants, al à partecipât ae codificazion linguistiche dal ocitan inte Val di Aran e ae creazion dal furlan standard. Al è stât president dal Conselh de la Lenga Occitana e responsabil de comission che e à puartât a une codificazion linguistiche des varietâts feveladis intes Valadis Ocitanis in Italie.
Par aprofondî l'argoment viôt la vôs Grafie uficiâl. |
Intal 1986, su incaric de Provincie di Udin, Lamuela al à elaborât une grafie complete pal furlan, partint de grafie de Filologjiche; cheste grafie, cun cualchi piçul cambiament, e je stade declarade intal 1996 grafie uficiâl de Regjon Friûl VG.