Asociación reversible de P-TEFb co complexo 7SK snRNP. P-TEFb é liberado do complexo 7SK snRNP por Brd4 ou HIV Tat. HEXIM é exectado e as dúas proteínas son substituídas por hnRNPs. O inverso deste proceso require outros factores descoñecidos.
En bioloxía molecular o ARN 7SK (ou 7SK RNA ou, simplemente, 7SK) é un ARN nuclear pequeno abundante que se encontra en metazoos.[1] Desempeña un papel na regulación da transcrición ao controlar o factor de elongación da transcrición positivo P-TEFb.[2] O ARN 7SK encóntrase formando parte dun complexo ribonucleoproteico nuclear pequeno chamado 7SK snRNP, xunto con varias proteínas que regulan a estabilidade e funcionamento do complexo.
Un estudo inicial indicou que o ARN 7SK está asociado nas células con varias proteínas e o exame da súa |estrutura secundaria suxeriu un modelo para o emparellamento de bases entre diferentes rexións deste ARN.[3] Un gran logro para saber a función do complexo ribonucleoproteico 7SK snRNP produciuse co descubrimento de que o factor de elongación da transcrición positivo P-TEFb era un compoñente do complexo.[4][5] O ARN 7SK asóciase con e inhibe a actividade quinase dependente de ciclina de P-TEFb por medio da acción das proteínas que se unen ao ARN HEXIM1[6][7] ou HEXIM2.[8][9] O fosfato gamma situado no extremo 5' do ARN 7SK é metilado polo encima MEPCE, que é un compoñennte constitutivo do complexo da 7SK snRNP.[10] A proteína LARP7 tamén está asociada con 7SK, posiblemente en parte pola súa interacción co extremo 3' do ARN.[11][12][13] A redución de MEPCE ou de LARP7 feita por knockdown mediado por ARN interferentes pequenos leva á desestabilización do 7SK in vivo. Un subconxunto de complexos 7SK snRNPs carece de P-TEFb e HEXIM, pero contén no seu lugar hnRNPs.[14]
A principal función do complexo 7SK snRNP é o control de P-TEFb, un factor que regula a fase de elongación da transcrición.[2] A actividade quinase de P-TEFb é inhibida cando o factor está no complexo 7SK snRNP. O P-TEFb pode ser liberado do complexo 7SK snRNP polo transactivador HIV Tat ou ben pola proteína que contén bromodominio BRD4. Esta liberación orixina un cambio conformacional no ARN 7SK e a exección de HEXIM.[15] As hnRNPs estabilizan o complexo que carece de P-TEFb e HEXIM. Despois de que o P-TEFb funciona sobre xenes específicos é resecuestrado na 7SK snRNP por un mecanismo descoñecido. O complexo 7SK snRNP foi caracterizado en humanos e Drosophila.[16]
Velaquí unha revisión detallada:[14]
↑Nguyen VT, Kiss T, Michels AA, Bensaude O (novembro de 2001). "7SK small nuclear RNA binds to and inhibits the activity of CDK9/cyclin T complexes". Nature414 (6861): 322–5. Bibcode:2001Natur.414..322N. PMID11713533. doi:10.1038/35104581.
↑Yik JH, Chen R, Nishimura R, Jennings JL, Link AJ, Zhou Q (outubro de 2003). "Inhibition of P-TEFb (CDK9/Cyclin T) kinase and RNA polymerase II transcription by the coordinated actions of HEXIM1 and 7SK snRNA". Molecular Cell12 (4): 971–82. PMID14580347. doi:10.1016/S1097-2765(03)00388-5.
↑Byers SA, Price JP, Cooper JJ, Li Q, Price DH (abril de 2005). "HEXIM2, a HEXIM1-related protein, regulates positive transcription elongation factor b through association with 7SK". The Journal of Biological Chemistry280 (16): 16360–7. PMID15713662. doi:10.1074/jbc.M500424200.
↑Yik JH, Chen R, Pezda AC, Zhou Q (abril de 2005). "Compensatory contributions of HEXIM1 and HEXIM2 in maintaining the balance of active and inactive positive transcription elongation factor b complexes for control of transcription". The Journal of Biological Chemistry280 (16): 16368–76. PMID15713661. doi:10.1074/jbc.M500912200.