Amador Villar Amor | |
---|---|
Nacemento | 1866 |
Lugar de nacemento | Ribadavia |
Falecemento | 20 de abril de 1944 |
Lugar de falecemento | Vigo |
Nacionalidade | España |
Ocupación | escritor |
[ editar datos en Wikidata ] | |
Amador Leopoldo Villar Amor, nado en Ribadavia en 1866 e finado en Vigo o 20 de abril de 1944[1], foi un escritor galego.
Xunto co seu irmán Secundino fundou o Colexio Villar de Ourense (1885-1935), do que foi profesor. Foi secretario do Partido Republicano de Ourense e colaborou en La República. Poeta do século XIX, en ocasións utilizaba o pseudónimo Roque Pelico d'Ovella; publicou algúns poemas en galego na revista Nós. A cidade de Ourense dedicoulles aos irmáns Villar unha rúa en 1934.