Ana Legido | |
---|---|
Nacemento | 21 de marzo de 1939 |
Lugar de nacemento | Ourense |
Falecemento | 9 de xullo de 2012 |
Lugar de falecemento | Sabarís |
Nacionalidade | España |
Ocupación | pintora |
Cónxuxe | Fernando Quesada |
Fillos | Marieta Quesada Legido |
[ editar datos en Wikidata ] | |
Ana Legido Soto, nada en Ourense o 21 de marzo de 1939 e finada en Sabarís o 9 de xullo de 2012,[1] foi unha pintora galega.
Filla de Alfonso Legido e Eva Soto,[2] estudou no Colexio Cisneros e máis tarde Maxisterio en Ourense, logo de non ser posible o ingreso na Academia de Belas Artes de San Fernando por cuestións económicas. Casou en 1960 con Fernando Quesada e a partir de aí trasladouse con el primeiro a Zamora e en 1961 a Vigo. O fogar do matrimonio en Vigo (primeiro en Mantelas, logo en Pizarro, máis tarde na avenida das Camelias) deu acubillo a un variado grupo de artistas ourensáns.
A pintura de Ana Legido ten un estilo particular que se achega e ás veces mesmo se categoriza como arte naïf.[3] Participou en exposicións individuais e colectivas en Galicia, resto de España, Italia, Francia e Portugal. Algunhas das súas obras forman parte das coleccións e museos de España, Italia, Portugal e Francia.