Helena de Carlos | |
---|---|
![]() | |
Nome completo | Helena de Carlos |
Nacemento | 23 de maio de 1964 |
Lugar de nacemento | A Barca de Barbantes |
Nacionalidade | España |
Alma máter | Universidade de Santiago de Compostela |
Ocupación | escritora e latinista |
Coñecida por | Alta casa |
Premios | Premio da Crítica de poesía galega |
Na rede | |
![]() | |
[ editar datos en Wikidata ] | |
Helena Rosa de Carlos Villamarín, coñecida como Helena de Carlos, nada na Barca de Barbantes (Cenlle) o 23 de maio de 1964, é unha poeta e latinista galega.[1][2]
Aínda que naceu en Cenlle, pasou a súa infancia e mocidade en Vigo. É doutora en Filoloxía clásica, coa tese Las Antigüedades de España fundadores y reyes míticos en la literatura medieval, dirixida por José Manuel Díaz de Bustamante (1992),[3] e catedrática de Filoloxía Latina da Universidade de Santiago de Compostela.[4] Especializada en estudos sobre a latinidade medieval, levou a cabo as súas investigacións en cidades como Lisboa, Múnic e Florencia. Colaborou en diversas publicacións como Nordés, Festa da Palabra Silenciada, Dorna, Ólisbos e Alquimia.[5]