| Isaura Usero Souto | |
|---|---|
| Nacemento | 10 de setembro de 1913 |
| Lugar de nacemento | O Carballiño |
| Falecemento | 1 de outubro de 2004 |
| Lugar de falecemento | A Coruña |
| Nacionalidade | España |
| Alma máter | Universidade de Santiago de Compostela |
| Ocupación | catedrática de bacharelato |
| [ editar datos en Wikidata ] | |
Isaura Aurea Usero Souto, nada no Carballiño o 10 de setembro de 1913 e finada o 1 de outubro de 2004 na Coruña,[1] foi unha das primeiras universitarias galegas.[2][3]
Isaura Usero estudou na Facultade de Ciencias na Universidade de Santiago de Compostela en 1929 rematando a súa formación no curso de 1939-40. Pertenceu á Sociedade Española de Física e Química, sendo presentada por Natividad Mejuto e María de la Concepción Carnero no ano 1933.[2]
Foi expedientada polo réxime franquista e posteriormente rehabilitada en 1942.[4] Traballou como profesora na Academia Balmes de Lugo e como profesora de Matemáticas do Instituto Feminino de Bacharelato de Lugo.[4]Fóra de Galicia traballou como profesora de Física e Química do Instituto Masculino de Salamanca nos anos 60.[5] En 1980 obtivo a cátedra de bacharelato da materia de Matemáticas do Instituto da Coruña onde traballou ata a súa xubilación.[4]