Leticia Iglesias García[1], nada no Carballiño en 1979, é unha xornalista e presentadora de televisión galega.[2]
Traxectoria
Licenciouse en Xornalismo na Universidade de Santiago de Compostela.[3] Cursou un mestrado en Xornalismo Audiovisual e especializouse en Economía e Finanzas polo Instituto de Empresa.[2]
Comezou a traballar facendo prácticas en Televisión Española e Radio Galega. Despois estivo no canal de televisión Expansión TV como correspondente da Bolsa de Madrid, e en 2004 pasou a CNN+ na sección de economía[3], e compaxinou o seu traballo de redacción coa presentación de Globoeconomía.[2] En 2005 incorporouse á edición dos informativos de CNN+, e en xuño de 2011[3] foi contratada polo grupo de comunicación Mediaset España para presentar o informativo matinal de Telecinco.[4][5] En novembro de 2014 foi nomeada Directora de Comunicación de Coca-Cola.[6] En xullo de 2017 incorporouse a Mediaset España, Informativos Telecinco como presentadora substituta e editora do primeiro informativo da cadea.
Vida persoal
O 29 de setembro de 2012 casou con Juan Tejón Borbón —neto de Leandro de Borbón— no Pazo de San Lourenzo.[7]
