Mercedes Tella | |
---|---|
Retrato en Vida Gallega, 1927. | |
Nacemento | 1868 |
Lugar de nacemento | A Coruña |
Falecemento | 30 de xaneiro de 1934 |
Lugar de falecemento | Vilafranca |
Nacionalidade | España |
Ocupación | escritora e pedagoga |
Irmáns | Alfredo Tella |
Na rede | |
[ editar datos en Wikidata ] | |
Mercedes Tella Comas, nada na Coruña en 1868 e finada en Vilafranca do Bierzo o 30 de xaneiro de 1934,[1][2] foi unha pedagoga e escritora galega.[3]
Irmá de Alfredo Tella. Estudou Maxisterio na Coruña e marchou a Madrid onde fixo o grao normal. En 1896 foi nomeada profesora auxiliar da Escola Normal de Madrid, e en 1909 profesora supernumeraria da sección de Ciencias da mesma escola. En 1901 obtivo a praza de profesora da Normal da Coruña. Estudou Pedagoxía na Facultade de Filosofía e Letras. Presentou comunicación e interveu nos debates do IX Congreso Internacional de Hixiene e Demografía (1898). Participou na Asemblea dos Amigos de la Enseñanza de Madrid e presentou unha memoria ao Congreso de Medicina de Madrid. Foi redactora da Gaceta de Instrucción Pública. En 1907 foi nomeada directora da Escola Normal da Coruña, permanecendo no cargo até 1911. En 1914 volveu ser nomeada directora, permanecendo no cargo até a súa xubilación. Pronunciou conferencias e escribiu artigos científicos, literarios e pedagóxicos en periódicos e revistas.
Foi membro correspondente da Real Academia Galega.[4]
En 1929 recibiu a Cruz de Afonso XII.
Era irmá do escritor Alfredo Tella e casou con Mario Sánchez Belorado.