CSKA Moscova | |||
---|---|---|---|
Nome | Профессиональный футбольный клуб ЦСКА Москва | ||
Alcume(s) | Koni (Cabalos) | ||
Fundación | 1911 | ||
Estadio | Arena Khimki, Khimki, Rusia ![]() | ||
Inauguración | 2008 | ||
Capacidade | 36.000 | ||
Presidente | ![]() | ||
Adestrador | ![]() | ||
Liga | Liga Premier de Rusia | ||
2018/19 | 4º | ||
Na rede | |||
http://www.pfc-cska.com/?lg=en | |||
![]() ![]() ![]() ![]() ![]() ![]() ![]() ![]() | |||
| |||
O Club Profesional de Fútbol CSKA de Moscova (en ruso: Профессиональный футбольный клуб - ЦСКА) é un club de fútbol de Rusia, con sede en Moscova. Fundado en 1911, forma parte da entidade polideportiva rusa CSKA Moscova. É un dos clubs máis laureados do fútbol ruso, xa que conta con dez títulos de liga -nas súas edicións soviética e rusa- e unha Copa da UEFA. Actualmente xoga na Liga Premier de Rusia.
Esta entidade estivo historicamente ligada ao Exército Vermello, xa que era o club deportivo do exército soviético.
O CSKA foi fundado en 1911 por un grupo de esquiadores e é o club que, historicamente, estivo adxunto ao exército. As siglas CSKA —Tsentral’nuy Sportivnuy Klub Armiiy— significan en galego Club Deportivo Central do Exército.[1] O CSKA gañou o campionato soviético en 7 ocasións (1946, 1947, 1948, 1950, 1951, 1970, 1991) e a Copa da Unión Soviética en 5 ocasións (1945, 1948, 1951, 1955, 1991).
Desde a disolución da URSS estivo baixo a sombra do Spartak de Moscova gañando só a Liga Rusa en tres ocasións (2003, 2005 e 2006), así como a Copa en 3 2002, 2005, e 2006.
Recentemente, o club recibiu unha axuda económica de parte de Sibneft, unha compañía petroleira cuxa propiedade é de parte do millonario ruso Román Abramóvich, no entanto, el non ten gran interferencia nos asuntos do equipo xa que el é o dono do Chelsea de Inglaterra e de acordo ás regras da UEFA, só permítese a unha persoa ou corporación controlar só un club en caso de participar en competencias europeas.
O CSKA Moscova gañou a Copa da UEFA no ano 2005, derrotando ao Sporting de Lisboa 3-1, converténdose no primeiro club ruso en obter un título europeo.
O PFC CSKA Moscova xoga actualmente no Arena Khimki xa que o club está construíndo un novo estadio en propiedade con capacidade para 30.000 espectadores sentados.
|
|
![]() |
A Galipedia ten un portal sobre: Rusia |