O Xoves Santo é unha festividade cristiá que se celebra o xoves anterior ao Domingo de Resurrección, no transcurso da Semana Santa. Pecha a Coresma e abre o Triduo Pascual á tardiña. Neste día a Igrexa Católica conmemora a institución da Eucaristía na Última Cea e o lavatorio dos pés realizado por Xesús.

• En Ferrol celébranse dúas procesións o Xoves Santo: a Pontificia, Real e Ilustre Confraría da nosa Señora das Angustias sae cos pasos de Xesús Nazareno, Cristo da Agonía, Cristo Xacente e A nosa Señora das Angustias; a Venerable, Real e Moi Ilustre Confraría do Santísimo Cristo da Misericordia e María Santísima das Dores saca á rúa unha das súas principais procesións, na que saen os pasos da Oración no Horto, Xesús Cativo, Xesús Nazareno, Santísimo Cristo da Misericordia, Santísimo Cristo Xacente e Virxe da Piedade.
• En Viveiro celébranse tres procesións: a da Última Cea, a do Prendemento e a da Misericordia.

Wikimedia Commons ten máis contidos multimedia na categoría:  Xoves Santo