Jagua | ||
---|---|---|
Jagua jepuru ko'ãga. | ||
Tekovekuaaty ñemohenda | ||
Tavetã: | Animalia | |
Pehẽ'a: | Chordata | |
Pehẽ'aguy: | Vertebrata | |
Jueheguasã: | Mammalia | |
Subclase: | Theria | |
Jueheguasãmi: | Eutheria | |
Tekovety: | Carnivora | |
Tekovetyguy: | Caniformia | |
Juehepehẽ: | Canidae | |
Jueheguaty: | Canis | |
Juehegua: | Canis lupus | |
Subespecie: | C. lupus familiaris | |
Omboheroapyva | ||
Canis lupus familiaris Linnaeus 1758 | ||
Tenda oĩva | ||
Ñe'ẽjueheguareko | ||
| ||
[editar datos en Wikidata] |
Jagua (Canis lupus familiaris)[1][2][3] (karaiñe'ẽme: perro) ha'e peteĩ mymba okambúva ho'úva so'o oñemohendáva umi jaguapehẽ mbytépe, upéicha jagua peteĩ jaguaru juehegua (canis lupus). Peteĩ ñehesa'ỹijo osẽ ku kuatia rembikuaáva hérava Nature-pe ohechauka yvypóra osaite'o jaguarúpe ha omoambue hete ha heko, [4] ha upe guive jagua okarukuaa heta mba'e ha heko iñambue.[5] Opaichagua ituichakue, ijysaja ha hague irrásare (jagua ñemoñangáre). Ijapysa ha itĩ mbarete, itĩre oñandu porãve mba'ekuéra ijerére. Umi rrása michĩ ikatu oikove 20 ary pukukuévo, oñeñangarekoporãrõ hese, ha umi rrása ambuéva oiko pa térã papo ary aja.
Oĩ amo 800 jagua rrása, ituichakue, hete ha heko opaichagua, oguereko avei opaichagua sa'y ha hague. Jagua niko oiko porãve yvypóra ndive ha upévare oĩ umi oipurúva jagua oñemoirũ hag̃ua, iñangarekoháraicha, omba'apoháraicha, ogueraháva yvypóra ha mba'ekuéra yrypy'áre, tymba'apiha, ñañihára, oisãmbyhýva umíva ndohecháiva ha oĩ avei umi jagua rerekua omboguatakuaáva ovecha ha vaka kuéra. Ary 2001 jave, ojeipapami oiko amo 400.000.000 jagua yvy ape ári.[6]