Flandria es li nord nederlandes parlant region del state Belgia. It es un del tri regiones del Reyatu Belgia.

It have un area de 13.522 quadrat-kilometres e li region Flandria have 6.381.859 (2013) habitantes.

Li sede del region administrativ de Flandria es Bruxelles. Important cités in Flandria es anc Antwerpen (507.911 habitantes), Gent (248.813), Brugge (117.577), Leuven (97.692), Mechelen (82.602), Aalst (82.587), Kortrijk (75.120), Hasselt (75.579) e Ostende (69.969).

Flandria consiste ex li quin provincias West-Flandria, Ost-Flandria, Flandrian-Brabant, li Provincia Antwerpen e li Provincia Limburg.

Politica

Flandria have su propri parlament e guvernament. Hodie existe in Flandria fort tendenties a un plu grand autonomia o mem un separation de Belgia. Economicalmen Flandria hodie es plu fort quam li frances parlant region Wallonia.

• Prim-ministre: Geert Bourgeois (Nieuw-Vlaamse Alliantie)

Sport

In Flandria eveni li international competition de ciclisme Tur de Flandria.