Ni Giacomo Puccini (napno a nagan:Giacomo Antonio Domenico Michele Secondo Maria Puccini) (Panangibalikas nga Italiano: [ˈdʒaːkomo putˈtʃiːni]; Lucca 22 Disiembre 1858 – Bruselas 29 Nobiembre 1924) ket maysa idi nga Italiano a kompositor a dagiti operana ket dagiti kankanayon a maipabpabuya iti pagalagadan a repertorio.[n 1]
Ni Puccini ket isu idi "ti kalatakan a kompositor iti Italiano nga opera kalpasan ni Verdi".[1] Bayat a dagiti nasapa nga obrana ket nairamutan iti tinawtawid a naladaw a maika-19 a siglo ti romantiko nga opera ti Italiano, isu ket nagballigi a nagparang-ay kadagiti obrana iti 'realistiko' a verismo nga estilo, nga isu ket nagbalin a maysa kadagiti nangidadaulo nga eksponente.
Dagiti midia a mainaig ken ni Giacomo Puccini iti Wikimedia Commons