Gunung Ungaran | |
---|---|
Èlevasi | 2,050 metres (6,730 ft) |
Gunung Ungaran iku gunung sing dumunung ing Pulo Jawa, Indonésia. Gunung iki dhuwuré 2.050 mèter. Gunung Ungaran duwé kawasan alas Dipterokarp Bukit, alas Dipterokarp Atas, alas Montane, lan alas Ericaceous utawa alas gunung.
Ing èrèng-èrènging gunung iki ana situs arkéologi wujud Candhi Gedhongsongo. Saliyané patilasan arkéologi ana uga sawatara grojogan (curug) ing antarané: Curug Semirang lan Curug Lawe. Uga ana guwa, sing misuwur kanthi jeneng Guwa Jepang. Guwa iki dumunung 200 mèter sadurungé pucuk gunung, yaiku ing saubengé perkampungan Promasan (perkampungan para pametik teh).