Martti Ahtisaari![]() | |
---|---|
![]() Ahtisaari in Helsinki. (4 Juli 2007) | |
Présidhèn Finlan kaping 10 | |
Linggih 1 Maret 1994 – 1 Maret 2000 | |
Mahamantri | Esko Aho Paavo Lipponen |
Kang sadurungé | Mauno Koivisto |
Kang sawisé | Tarja Halonen |
Rerincèn dhiri | |
Lair | 23 Juni 1937 Viipuri, Finlan (sapunika Vyborg, Ruslan) |
Pati | 16 Oktober 2023 |
Parté pulitik | Parté Sosial Dhémokratik |
Sisihan | Eeva Hyvärinen[1] |
Anak | Marko Ahtisaari |
Profési | Guru Diplomat |
Agama | Luteranisme |
Martti Oiva Kalevi Ahtisaari (ungelipun [ˈmɑrt:i ˈoivɑ ˈkɑleʋi ˈɑhtisɑ:ri]) (lair ing Viipuri, Finlan (sapunika Vyborg, Ruslan), 23 Juni 1937 – pati 16 Oktober 2023 ing umur 86 taun) [2]inggih punika Présidhèn Finlan kaping 10 (1 Maret 1994–1 Maret 2000) lan Pikantuk kanugrahan bebungah Nobel Perdaméan taun 2008.[3]
Panjenenganipun misuwur minangka négosiator véteran ingkang gadhah panyurung tumrap perdaméan ing manéka warni dhaérang ing donya.[3] Panjenenganipun gadhah panyurung ingkang ageng tumrap perdaméan antawisipun Indonésia lan pamberontak Acèh ing taun 2005.[3] Perdaméan punika saged mungkasi konflik sadangunipun tigang dasawarsa ingkang sampun niwasaken 15.000 tiyang.[3] Amargi panyurungipun punika, saged ndadosaken panjenenganipun pikantuk Nobel Perdaméan ing taun 2008.[3] Sasanèsipun punika Ahtisaari ugi gadhah panyurung ingkang ageng tumrap kamardikanipun Namibia saking panguwaosipun Afrika Kidul.[3]
Ahtisaari lulus saking Universitas Oulu Finlan ing taun 1959 lan pikantuk gelar Dhoktor Kaurmatan (honoris causa) babagan Pedagogi ing taun 1989.[4] Panjenenganipun pikantuk 19 jinis dhoktor kaurmatan ing manéka warni babagan ing donya.[4]
Ahtisaari sampun kathah nampi kanugrahan, ing antawisipun inggih punika Franklin D. Roosevelt Freedom Award ing taun 2000, The Hessen Prize ing taun 2000, J. William Fulbright Award ing taun 2000.[4]