| Paul Dahm | |
|---|---|
| Gebuer |
30. Dezember 1951 Nidderkäerjeng |
| Nationalitéit | Lëtzebuerg |
| Aktivitéit | Komponist |
 | |
De Paul Dahm, gebuer den 30. Dezember 1951 zu Nidderkäerjeng, ass e lëtzebuergesche Komponist a Museker, deen zu Märel wunnt. Hien ass bestuet a Papp vun enger Duechter an zwéi Jongen, vun deenen een de Museker Pit Dahm ass.
Vun 1959 bis 1965, a vun 1969 bis 1977, besicht hien den Escher Conservatoire. Do léiert hie Solfège, Harmonie, Kontrapunkt, Piano, Saxophon, Klarinett a Flütt. Vun 1965 bis 1975 mécht hien Uergel, Harmonie, Kontrapunkt a Musekgeschicht am Conservatoire vun der Stad Lëtzebuerg.
1974 kënnt hien als Saxophonist an d'Militärmusek, wou hien 1978 d'Big Band grënnt. Als Museker huet hie mat praktesch alle Museker an a ville Bands geschafft. Vun 1987 un ass hie Chargé de cours an der Péitenger Musekschoul, wou e Saxophon, Jazz, an Harmoniecoursen hält an eng Big Band opbaut, déi mat vill Succès optrëtt. Vun 1992 un dirigéiert hien déi nei gegrënnt Douane's Musek, fir déi e vill Arrangementer schreift. Hien ass och Grënner an Dirigent vun der Märeler Big Band (2014), a Grënner an Arrangeur vun der Luxembourg Little Big Band.
Déi meescht Stécker si vun der Militärmusek opgeholl ginn
Iwwer 200 Arrangementer fir Big Band, Sträichorchester, Blosorchester asw. Déi meescht Wierker si beim hollännesche Verlag Bronsheim opgeluecht.