Catolicisme (de la elinica καθολικός, katholikós, "universal") es un terma per refere a la ramo xef de cristianisme, ci ia apare a pos la Fende de Este en 1054. La catolicas es fidosa a la Eglesa Catolica, como ance a la teolojia, crede, liturjia etica e normas de condui derivada.

Istoria

La relijio cristian es basida en la ensenias de Iexu Cristo, ci ia vive e ia predica en la sentenio 1 ec en la provinse de Iudea de la Impero Roman. La crede catolica ensenia ce la Eglesa Catolica contempora es la continua de esta comunia cristian temprana instituida par Iexu. La cristianisme ia estende tra la Impero Roman temprana, an con la persegues par causa de disputas con la relijio statal pagan. La imperor Constantino ia legali la pratica de cristianisme en la 313, e lo ia deveni la relijio de stato en 380. La invadores germanica de teritorio roman en la sentenios 5 e 6, multe de ci ia adota la cristianisme arian, a fini ia adota catolicisme per alia con la papia e la moncerias.

Credes

Car on ave multe interpretes de la parola "catolicisme", cualce lista de credes e praticas cual distingue la catolicisme de otra formi de cristianisme debe es presededa par un indica de la sinifia empleada.

• La organiza desende de la eglesa orijinal fundida par Jesus Cristo: "E me dise a tu ce tu es Petro, e sur esta roca me va construi mea eglesa, e la portas de enferno no va vinse lo" (Mateo 16:18). Seguente la tradision, el ia desinia Petro como la gidor prima.
• La crede ce Jesus Cristo es divin, un prinsipe ofisial clarida en la Consilio Prima de Nisea e espresada en la Crede de Nisea.
• Un crede a la nesesa e produosia de la sacramentos.
• Crede en la Presentia Real de Cristo en la Eucaristia, la crede ce Cristo mostra en la elementos de la Comunia Santa.
• Susede apostolal.
• Crede en la Comunia de la Santas.
• Usa de la prea per la mores.

Dogmas de crede

La dogmas catolica es la credes esensal cual identifia e defini la catolicisme contra otra eglesas cristian, an su alga de esta credes es comun con otras ramos cristian. Per un catolica, la dogma es un veria revelada par Dio e proposada par la Eglesa per la crede nondutable de la credores.

La dogmas catolica es basida en la Biblia e la Tradision Apostolal. Como la ivris ia ave sua tradisiones (cual ia es la basa de la plu parte de la libros de la Atesta Vea), la catolicas crede en la tradision apostolal comunicada de jenera en jenera de forma scriveda e parlada.

Alga dogmas esensal de la catolicas es:

• La Trinia de Dio (on ave tre persones divin, no tre dios: la Padre, la Fio e la Spirito Santa, cual forma un sola Dio).
• La Eucaristia (la pan e la vino cambiada en la Corpo e Sangue de Cristo).
• La Consepi Nonmanxada (lo es la crede ce Maria, madre de Iexu, no ia es tocada par la peca orijinal ma, de sua consepi, ia es libre de peca).
• La Madria Divin (la Virjin es la madre de Dio).

Vide ance

• Papes
• Cardinales
• Eglesia Catolica
• Preas Catolica