ZE
|
Questa pàgina a l'é scrîta in léngoa zenéize |
Renzo Piano (Zêna, 14 seténbre 1937) o l'è 'n architétto e senatô a vìtta.
Renzo Piano o l'à studiòu a Caltanissetta e a-o Politecnico de Milàn, dôve o l'a consegoîo a làorea into 1964. Da-o 1965 a-o 1970, co sò fræ Ermanno, o l'a avûo esperiénse de travàggio in Inghiltæra e in USA. O l'é diventòu amîgo do Jean Prouvé. Into 1971, co Richard Rogers, o l'à creòu a Londra o stùddio de architetûa « Piano & Rogers » ch'o l'à goâgnòu o concórso pe-o Centre Pompidou de Pariggi. Da-o 1977 a-o 1981 o l'à colaboròu co Peter Rice inte l'« Atelier Piano & Rice ».
Renzo Piano o dirìzze 'n'agençîa internaçionâle d'architetûa, o Renzo Piano Building Workshop chi a ofìçi a Pariggi e a Zêna.
Into 2004 a l'è nasciûa a Fondazione Renzo Piano, unn-a instituçión no-profit dedicòua a-a promozione de-a profesción de architetto: Renzo Piano coscì trasmétte a-i zoêni i sòi segrétti profescionâli.
Into 1998 o l'à òtegnûo o Prix Pritzker d'architetûa. O l'é stæto nominòu senatô a vìtta da-o presidénte Giorgio Napolitano o 30 agosto 2013.
Contròllo de outoritæ | VIAF (EN) 95804495 · ISNI (EN) 0000 0001 2144 3749 · SBN (IT) CFIV036116 · LCCN (EN) n81086234 · GND (DE) 11889787X · BNF (FR) cb120176093 (data) · BNE (ES) XX1139182 (data) · ULAN (EN) 500020049 · NLA (EN) 36527044 · NDL (EN, JA) 00719664 · WorldCat Identities (EN) n81-086234 |
---|