AR
|
Sta pagina chi a l'è scrita in arbenganese, inta varietài castreveglina |
Rocca Barbena | |
---|---|
![]() | |
Stâto | ![]() |
Región | ![]() |
Provìnsa | ![]() |
Comùn | ![]() |
Altéssa | 1 142[1] m s.l.m. |
Prominénsa | 328 m |
Izoaménto | 3,64 km |
Cadénn-a | Prearpe Ligü(r)i |
Cordinæ | 44°09′26.96″N 8°07′52.64″E / 44.15749°N 8.13129°E |
Màppa de localizaçión | |
Dæti SOIUSA | |
Grànde Pàrte | Àrpe de punènte |
Grànde setô | Àrpe de Sud-occidénte |
Seçión | Àrpe Ligü(r)i |
Sotoseçión | Pre-àrpe Ligü(r)i |
Supergrùppo | Catena Settepàn-Carmu-Armetta |
Grùppo | Grùppu du Munte Carmu |
Sotogrùppo | Còsta du munte Carmu |
Còdice | I/A-1.I-A.2.a |
A Rocca Barbena (1.142 m s.l.m., dìccia numma A Rocca ascì, A Rocca (Barbéina) in bardenòllu) a l'è ina muntagna de Pre-àrpe Ligü(r)i c'a se tröva in Pruvinsa de Savuna, inte l'entrutèra de Arbenga. A ròcca a l'è cumpletaménte in tu teritôiu cumünâle de Castrevegliu.
A còlla a se tröva inta cadêna prinsipâle arpìna e u suvrasta da settentrìun a cumüna de Castrevegliu, a a quàle a ghe dà u numme in italiàn (Castelvecchio di Rocca Barbena). U versànte nord u se fàccia in sce a gròssa cunca de Bardenéi. Versu nord-ovest a còlla du Scravaiùn (814 m) a sepâ(r)a dau Munte Lingu (1103 m), a est u incuntra u spartiàiva padàn ligü(r)e che u cuntìnnua cun a còlla Giànca (935 m), u munte Subancu (983 m) e u zùvu de Tui(r)an.[2]
In mòddu dife(r)énte dai âtri munti da vâ du Néva a sìmma da Rocca a l'è frastagliâ e ruciûza, prinsipalménte in sce u versante nord.[3]
Aministrativaménte u munte u l'è parte de Castrevegliu, mentre a livellu de riàn u se tröva fra e valàe du Neva e da Burmia de Miléximu.[4]
In sce a sìmma se pò vegghe in gràn panu(r)àmma, chi a se ìssa ascì ina crùxe, ai péi de sta lì u se tröva u lìbbru da vétta, cun in cuntenitû de tòlla pé a sò prutesiùn.
U se pò muntâ in sce a sìmma da Rocca pé a sé(r)ie de senté chi i pàrtan da a còlla du Scravagliùn, cun ina scâ(r)a de dificultài E, cun di tràtti esposti. Se nu u se pò seguî chellu da a còlla Giànca.[5]
Tütti e dùi i percursi i sun tucài da l'Âta vìa di munti Ligü(r)i, c'a pàssa de pôcu a nòrd daa vétta, aa bàze da sìmma, c'a se mustra versu a Valà du Burmia.[6]
A Rocca Barbena a furma in à(r)ia prutètta pruvinsâle, istituìa da a Pruvinsa de Savuna, pé tütelà e carateristiche ambientãli e du paesàggiu, cun e particulari furme de eruxiùn carscica.[7]
A zona a càzze ducca dréntu u SIC du Munte Ravinét e de Rocca Barbena (cudificã cumme IT 1324011).[8]