La farina a l'è 'l quell lavorà che 'l ven foeura quand che se masnen cereai o anch alter prodott. La semola, per esempi, l'è ona farina de granulometria magior, indè che i component singoi hinn de forma redonda e con denter poca polver: per esempi, zuccher semolaa, o semola de forment dur.
In del parlà de tucc i dì, per "farina" intendom quella de forment (soratutt quell tender), intant che ghe disom semola a la farina de forment dur. Per el sò roeul in de la preparazion del pan e de la pasta, quei dò chì hinn i farinn pussee spantegaa in del mond, proteggiuu di legg de tucc i paes del mond.
Esisten anca farinn de melgon, de orz, de farr, de ris, de biava, de seghel, de lemm, de frutta, de castegn, de sciger, de tuber e anca de alter mangià anmò.