El Leonard de ser Piero da Vinci, mej cognosuu appena 'me Leonard da Vinci o anca domà Leonard (Leonardo da Vinci in Italian), (Vinci, 15 de april del 1452 - Amboise, 2 de magg del 1519), l'è staa un artista, scienziaa, pitor, scultor e, in general, geni universal fiorentin, recognosuu come vun di pussee grand gèni del Rinassiment italian e in general de la storia del mond.
L'ha scominciaa i sò oeuver pussee important a la cort del Ducaa de Milan cont el Lodovigh el Moro, l'ha poeu lavoraa a Roma, Bologna e Venezia per passà i sò daree agn in Franza, a la cort del Franzesch I de Franza. In tra i sò prototip quell de avion e elicotter, de vetura, de sottamarin e anca de carr armaa.
I sò oeuver pussee famos a hinn staa la Gioconda, l'Omm Vitruvian e la Darrera Cena.