| Quest articol chi l'è scrivuu in Koiné occidentala. |
La pruvincia de Nuvara (nuvares: pruvincia da Nuara; piemuntes: provinsa ëd Noara; Italian: provincia di Novara) l'è ona pruvincia del Piemont che la cunta pussee de 373 abitanti e per quèst motiv l'è la settima pruvincia pussee popolada del Piemont.
La lengua ufizial l'è l'italian.
I lenguv lucai parlaa in sül teritori hinn el lumbard e 'l piemuntes. El lumbard l'è parlaa in del caplögh (in d'una variant pütost milanesizada, anca se cunt un quai punt de cuntat cunt el piemuntes), in sü la riva del Tesin, del Lagh Magiur e del Lagh d'Orta e a süd, in direziun de la Lümelina. I dialet lumbard arius del Nuares hinn de tipu ucidental, ma cun di carater "pruinciai" diferent del mudel milanes. El cunfin cunt el piemuntes l'è atestaa in tra la Gogna e la Sesia.
Inultra gh'è un rosc de dialet che presenten di carateristegh bei uriginai, che se sluntanen de bun del standard lenguistegh lumbard e piemuntes: hinn i dialett de Gajaa, Trecaa, Camra (zona lumbarda) e Burbanee (zona de transiziun cunt el piemuntes).
I comun de la Pruvincia de Nuvara a hinn Cunturbia, Amén, Armagn, Aruna, Barénch, Bransach, Biandraa, Boca, Buégn, Bulzan, Burgh Tisin, Burglavsàr, Burbané, Briga, Briun-ä, Caltignaga, Camra, Carpignön, Casalbaltram, Casalösc, Casalin, Casalvlun, Castlasc, Castlét, Cavajet, Cavaj, Cavaliri, Sciarön, Culassa, Cümiaagh, Crössa, Cürésc, Dimian, Drumlét, Farä, Funtanei, Galiaa, Garbagna, Gargal, Ghem, Gussön, Granòss, Grignasch, Invó, Landiuna, Lesa, Magiura, Mandèl, Marön, Massin, Meina, Mismarich, Miasin, Mum, Nebiün, Nibiula, Nuara, Vlésc, Ulesc Castel, Orta, Parscé, Pèla, Pitnasch, Pisan, Pogn, Pumbia, Praa, Riscàt, Rumagnän, Armantin, San Maurizi, La Badia, San Pedar Mugiösch, Scilavengh, Sciön, Suris, Sussach, Sön, Tardubiaa, Torgän, Tracaa, Vavru, Varal, Vispulaa, Vidlunch, Vinsaj e Gattico-Veruno.
|
Pruvinz del Piemuunt |
|
|---|---|---|
| Ast | Bièla | Cuni | Lissàndria | Nuara | Türin | Verban-Cüsi-Ossula | Vercèj | ||
