Lauik Mati (atau Lauik Asin) adaolah danau nan mambujua di daerah antaro Israel, Palestina jo Yordania.[1]. Di 417,5 m di bawah pamukaan lauik, maruoan titiak paliang di pamukaan bumi.[2] Lauik mati talatak di pabatehan antaro Yordania jo bagian barat Palestina, lauik mati punyo titiak paliang randah di bumi pado 1.300 kaki (400m) di bawah pamukaan lauik.[2]
Sacaro geologi lauik mati tabantuak tigo juta taun nan lalu katiko timbua ratak ketek pado lambah sungai Yordan (Jordan Riff Valley) di mano aia lauik masuak jo takumpua,, iklim kariang jo evaporasi tinggi maningkekan konsentrasi mineral dalam aia.[2] Garam, kapur jo gipsum ado di sapanjang ratak ko sarato mambantuak danau nan mangandauang garam tertinggi.[2]
Danau iko dinamoan lauik mati karano indak ado bantuak kehidupan nan dapek batahan dalam aia garam ko.[2] Lauik mati punyo kanduangan garam paliang tinggi dari kasado lauik di dunia.[3] Kadar garamnyo kiro-kiro 32 % dibandiangan jo kadar garam rato-rato 3% pado Lsuik Tangah atau Mediteranian.[2] Sajak dulu material nan ado di dalam lauik mati diketahui mampunyoi efek untuak mampaancak kulik.[2] Katiko maolesan lumpua ka tubuh, mineral nan takanduang di dalamnyo tabukti dapek maelokan kulik, malancakan sirkulasi darah sarato dapek mambantu kesehatan.[2] Hal iko alah lamo diketahui dek Raja Salomo, Cleopatra jo Herodes Agung sahinggo mareka mandatangi Lauik Mati untuak mandapekan efek itu.[2]
Dalam bahasa Ibrani, Lauik Mati adolah "Yam ha-Melaḥ", bararti "lauik garam" atau "Lauik Asin". Istilah iko pulo nan paliang banyak digunoan dalam bagian Perjanjian Lama di Alkitab Kristen dalam bahasa Indonesia, sajak kitab patamo dalam Taurat iyolah Kitab Kejadian (Templat:Alkitab), kudian Kitab Bilangan (Templat:Alkitab), Kitab Ulangan (Templat:Alkitab), Kitab Yosua (Templat:Alkitab), Kitab 2 Tawarikh (Templat:Alkitab), sampai zaman Pembuangan ke Babel (abad ke-6 SM), iyolah Kitab Yehezkiel (Templat:Alkitab).
Dalam prosa takadang dipakai istilah "Yam ha-Māvet" (ים המוות, "lauik kamatian" atau "Lauik Mati"), karano kalangkaan kehidupan akuatik. Dalam bahasa Arab, Lauik Mati disabuik"al-Bahr suara Al-Mayyit" ("Lauik Mati"), atau nan kurang umum "bahr ᵘ Lut ᵃ (بحر لوط, "Lauik Lot"). Istilah "Lauik Mati" indak digunoan dalam Alkitab bahasa Indonesia versi Terjemahan Baru.
Namo lain dalam sijarah bahaso Arab adolah "Lauik Zoar", manuruik namo kota nan paliang dakek pado zaman Perjanjian Lama di Alkitab.
Urang-urang Yunani manyabuiknyo "Danau Asphaltites" (bahasa Yunani Attic ἡ Θάλαττα ἀσφαλτῖτης, inyo Thálatta asphaltĩtēs, "Laut Asphaltite").
Alkitab manyabuiknyo pulo sabagai "Yam ha-Mizrahi" (ים המזרחי, "Lauik Timur").[4]
Dalam Alkitab Ibrani juo dipakai istilah "Yam ha-'Ărāvâ" (ים הערבה, "Lauik Araba"), maskipun dalam 3 dari 5 kali panyebutannyo selalu dipakai istilah: "Laut Araba, yakni Lauik Asin,", sahinggo jaleh bahwa keduo istilah iko adolah sinonim.[5]
![]() |
Ado kategori tantang Lauik Mati di Wikimedia Commons |